Pune News
sakal
मुंढवा : कोरेगाव पार्क परिसरात जागोजागी अनधिकृतपणे ओव्हरहेड केबलचे जाळे पसरलेले आहे. त्यामुळे परिसराच्या सौंदर्यात यामुळे बाधा येऊन विद्रूपीकरण झाले आहे. अनेक ठिकाणी केबल झाडांवर किंवा रस्त्यांवर लटकलेल्या असतात, त्यामुळे वाहतुकीला अडथळा निर्माण होत आहे. लटकलेल्या केबल दुचाकीत अडकून अपघाताचे प्रमाण वाढत आहे. महापालिका प्रशासनाने या भागातील केबल काढाव्यात, तसेच परिसराचे विद्रुपीकरण करणाऱ्यांवर कठोर कारवाई करावी, अशी मागणी रहिवाशांनी केली आहे.