श्रमसंस्कारातून व्यक्तिमत्त्वाचा विकास होतो प्रियंका पाटील

‘श्रम संस्कार शिबिरातून
व्यक्तिमत्त्वाचा विकास’

अनगर, ता. ४ ः श्रम संस्कार शिबिरातून व्यक्तिमत्त्वाचा विकास घडत असल्याने श्रमसंस्कार शिबिरांची गरज असल्याचे प्रतिपादन श्री अनगरसिद्ध शिक्षण प्रसारक मंडळाच्या अध्यक्षा प्रियांका विक्रांत पाटील यांनी बिटले (ता. मोहोळ) येथे केले. बाबूराव पाटील कला व शास्र महाविद्यालय व पुण्यश्लोक अहिल्यादेवी होळकर सोलापूर विद्यापीठ, सोलापूर आयोजित बिटले येथे विशेष श्रम संस्कार शिबिर झाले. यावेळी त्या बोलत होत्या. अध्यक्षस्थानी प्राचार्य डॉ. चंद्रकांत सूर्यवंशी हे होते. अनगर नगर पंचायतचे मुख्याधिकारी सुरेश भदर, वाचनालयाचे अध्यक्ष शरद सलगर, मोहोळ येथील एस.बी.आय.मॅनेंजर, उत्तम भदाडे यांनीही मार्गदर्शन केले. रासेयोचे कार्यक्रमाधिकारी प्रा. डॉ. प्रकाश शेटे यांनी केले. सूत्रसंचालन प्रा.महादेव चव्हाण यांनी केले व आभार प्रा.सागर तळणकर यांनी मानले. बिटले गावच्या सरपंच अर्चना काळे, दाजी काळे, सुनील सलगर, माधवी साठे, रेश्मा थिटे, ग्रामविस्तार अधिकारी गणेश वेदपाठक आदी उपस्थित होते.