Lalit Patil : अमली पदार्थ तस्कर ललितकडून आणखी तीन कोटींचे सोने जप्त

अमली पदार्थ तस्कर ललित पाटील याने नाशिकमधील एका सराफा व्यापाऱ्याकडे ठेवलेले सुमारे तीन कोटी रुपये किमतीचे पाच किलो सोने पोलिसांनी जप्त केले.
lalit patil
lalit patilEsakal

पुणे - अमली पदार्थ तस्कर ललित पाटील याने नाशिकमधील एका सराफा व्यापाऱ्याकडे ठेवलेले सुमारे तीन कोटी रुपये किमतीचे पाच किलो सोने पोलिसांनी जप्त केले. पुणे पोलिसांच्या गुन्हे शाखेच्या पथकाने नाशिकमध्ये ही कारवाई केली.

अमली पदार्थ तस्करीच्या गुन्ह्यातील मास्टरमाइंड ललित पाटील सध्या पुणे पोलिसांच्या कोठडीत आहे. त्याची कसून चौकशी करण्यात येत आहे. ललितने नाशिकमधील एका सराफा व्यापाऱ्याकडे सोने ठेवल्याची माहिती पोलिसांना मिळाली. त्यानुसार गुन्हे शाखेचे सहायक पोलिस आयुक्त सुनील तांबे यांच्यासह एक पथक गुरुवारी (ता. २) नाशिकला रवाना झाले होते. गुन्हे शाखेच्या पथकाने त्या सराफाकडून पाच किलो सोने जप्त केले आहे.

lalit patil
Pune News : महापालिकेतील कंत्राटी कामगारांचा ऐतिहासिक विजय; १० वर्षानंतर पुन्हा एकदा मिळणार बोनस

यापूर्वी पोलिसांनी ललितचा भाऊ भूषण पाटीलच्या घरातून एक कोटी ८० लाख रुपये किमतीचे तीन किलो सोने जप्त केले होते. गुन्हे शाखेचे अतिरिक्त आयुक्त रामनाथ पोकळे आणि पोलिस उपायुक्त अमोल झेंडे यांच्या मार्गदर्शनाखाली ही कारवाई करण्यात आली.

ललितने अमली पदार्थ मेफेड्रॉनच्या तस्करीतून मोठ्या प्रमाणावर मालमत्ता आणि सोने खरेदी केल्याचे तपासात समोर आले आहे. ललितकडून चौकशीत आणखी बरीच माहिती समोर येण्याची शक्यता आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com