भोर (पुणे) : भोर तालुक्यात सुरू असलेल्या मुसळधार पावसामुळे भाटघर आणि नीरा देवघर धरणामधील पाण्याच्या पातळीत झपाट्याने वाढ होत आहे. गेल्या चोवीस तासात भाटघर धरणातील पाणी साठ्यात १० टक्क्यांहून अधिक वाढ झाली आहे. तर, नीरा देवघर धरणाच्या पाणीसाठ्यात १४ टक्क्यांनी वाढ झाली आहे.
भाटघर धरणात मंगळवारी (ता. ४) ४१ टक्के पाणीसाठा होता. मागील २४ तासात पडलेल्या मुसळधार पावसामुळे आज बुधवारी (ता. ५) सायंकाळी चार वाजेपर्यंत धरणात ५१.६७ टक्के पाणीसाठा झाला, तर नीरा देवघर धरणात ३९ टक्के पाणीसाठा झालेला आहे. २३.७३ टीएमसी क्षमता असलेल्या भाटघर धरणात मागील २४ तासात दोन टीएमसी पाणीसाठा वाढला आहे. तर, ११.९३ टीएमसी क्षमता असलेल्या नीरा देवघर धरणात मागील २४ तासात १.६ टीएमसी पाणीसाठा वाढला आहे.
नीरा देवघर धरण खोऱ्यात मागील २४ तासात सर्वाधिक १६२ मिलिमीटर पावसाची नोंद झाली, तर भाटघर धरण खोऱ्यात १३५ मिलिमीटर पाऊस पडला आहे. अजूनही तालुक्यात संततधार पाऊस सुरू आहे. अशाच प्रमाणात पाऊस सुरू राहिल्यास पुढील आठ- दहा दिवसांमध्ये दोन्ही धरणे भरण्याची शक्यता नाकारता येत नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
