दौंड - लातूर - मुंबई एक्सप्रेस मधील महिला प्रवासीची ५ लाख १२ हजार रूपयांचा ऐवज असणारी पर्स चोरणाऱ्या दोन तरूणांना पुणे लोहमार्ग पोलिसांनी अटक केली आहे. चोरी झाल्यापासून चोवीस तासांच्या आत तपास करीत सर्व मुद्देमाल जप्त करण्यात आला आहे. .दौंड लोहमार्ग पोलिस ठाण्याचे अंमलदार नवनाथ पवार यांनी या बाबत माहिती दिली. लातूर - मुंबई एक्सप्रेस दौंड रेल्वे स्थानकात ४ डिसेंबर रोजी मध्यरात्री अडीच वाजता दाखल झाली असता ही चोरी झाली होती..एक्सप्रेस मधील ए - २ या वातानुकुलित डब्यात प्रवास करणाऱ्या सीमा जितेंद्र बजाज (रा. लातूर) या झोपलेल्या असताना दोन जणांनी डब्यात प्रवास करून त्यांची पर्स लांबविली होती. पर्स मध्ये दागिने, रोकड, मोबाइल संच, असा एकूण ५ लाख १२ हजार रूपयांचा ऐवज होता. या प्रकरणी सीमा बजाज यांच्या फिर्यादीनुसार पुणे लोहमार्ग पोलिसांनी तपास सुरू केला..पुणे लोहमार्ग पोलिस दलाच्या स्थानिक गुन्हे अन्वेषण शाखेने रेल्वेगाड्यांमध्ये चोरी करणाऱ्या सराईत गुन्हेगारांचा मागोवा घेण्याबरोबर तांत्रिक विश्लेषण करीत विकी अजित रणसिंग (वय-२९, रा. जनता कॅालनी, दौंड) व तुषार मिलिंद जाधव (वय २५ , रा. यादव वस्ती, दौंड) या दोन जणांना ताब्यात घेतले. बुधवारी (ता. ४) दौंड शहरातील डिफेन्स कॅालनी परिसरातून या दोघांना पाठलाग करीत ताब्यात घेण्यात आले. त्यांच्याकडे चौकशी करीत चोरीतील सर्व मुद्देमाल जप्त करण्यात आला..दौंड लोहमार्ग पोलिस ठाण्यात सीमा बजाज यांच्या फिर्यादीनुसार विकी रणसिंग व तुषार जाधव या संशयित आरोपींच्या विरोधात भारतीय न्याय संहिता कलम ३०४ - २ ( चोरी ) आणि कलम ३ - ५ ( समान उद्देश्य साध्य करण्याकरिता दोन किंवा अधिक लोकांनी केलेली गुन्हेगारी कृती) अन्वये गुन्हा दाखल करण्यात आला आहे..पुणे लोहमार्ग पोलिस दलाचे अधीक्षक तुषार दोशी, पोलिस निरीक्षक इरफान शेख, राजेंद्र गायकवाड यांच्या मार्गदर्शनाखाली हवालदार आनंद वाघमारे, धनंजय वीर, रूपेश पवार व नरेंद्र पवार यांनी या कारवाईत भाग घेतला. संशयित आरोपी विकी रणसिंग याच्यावर यापूर्वी देखील विविध गुन्हे दाखल आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
