पिंपळवंडी (पुणे) : जुन्नर तालुक्यातील पिंपळवंडी येथील चाळकवाडी येथील शेतकरी सुनील सोनवणे यांच्या विहिरीत पडलेल्या सुमारे दोन महिने वयाच्या बिबट्याच्या बछड्याला सोमवारी (ता. ८) वनविभागाने सुखरूप बाहेर काढले.
चाळकवाडी येथील शेतकरी सुनील किसन सोनवणे यांच्या विहिरीत बिबट्याचा एक बछडा पडल्याचे आज दुपारी निदर्शनात आले. संबधित बछडा विहिरीच्या कठड्याचा आधार घेऊन बसला होता. या घटनेची माहिती मिळाल्यानंतर वनरक्षक व्ही. टी. विभूते, वनपाल एस. के. साळुंखे, जुन्नर रेस्क्यू टीमचे सदस्य आकाश माळी व आळेफाटा पोलिस ठाण्याचे कर्मचारी यांनी घटनास्थळी आले.
रेस्क्यू टीमच्या सदस्यांनी एका टोमॅटो क्रेटला दोरी बांधून क्रेट विहिरीत सोडला. त्यामध्ये बछडा बसल्यानंतर क्रेट विहिरीतून बाहेर काढण्यात आला. बछडा सुखरू असल्यामुळे त्याला पुन्हा त्याच्या आईकडे जाण्यासाठी सोडून देण्यात आले.
हा बिबट्याचा बछडा भक्ष्याच्या किंवा पाण्याच्या शोधात असताना विहिरीत पडला असावा, असे वनखात्याचे विभूते यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.