पुणे - पुणे शहर आणि परिसरात गेल्या तीन दिवसांपासून पूर्वमोसमी पावसाची संततधार सुरू आहे. पुढील चार दिवस शहरात अशीच स्थिती राहणार असल्याचे भारतीय हवामानशास्त्र विभागाने सांगितले आहे. पुढील चार दिवस आकाश अंशतः ढगाळ राहणार असून, मेघगर्जना, विजांचा कडकडाट आणि वादळी वाऱ्यासह हलक्या ते मध्यम स्वरूपाच्या पावसाची शक्यता आहे. त्यामुळे पुणे जिल्ह्यासह शहराला ‘यलो’ अलर्ट देण्यात आला आहे.