Pune : लोहगडावर पर्यटकांची गर्दी! लोकं 4 तास महादरवाज्यात अडकले; Video होतोय Viral

पुणे : पुणे शहरापासून जवळपास ७० किलोमीटर अंतरावर असणाऱ्या लोहगड किल्ल्यावर काल रविवारी पर्यटकांची मोठी गर्दी झाली होती. किल्ल्याच्या महादरवाजामध्ये जवळपास ४ तास लोकं अडकून पडल्याची माहिती असून या घटनेचा व्हिडिओ सोशल मीडियावर चांगलाच व्हायरल झाला आहे.

दरम्यान, काल रविवार असल्यामुळे पुणे, लोणावळा येथून आणि पुणे जिल्ह्यातील ग्रामीण भागातून अनेक पर्यटक लोहगड किल्ल्यावर पर्यटनासाठी येत असतात. हा किल्ला मान्सूनमध्ये पर्यटकांना खुणावत असतो. तर मान्सून सुरू झाल्यानंतर पर्यटकांनी काल या किल्ल्यावर गर्दी केली होती.

दरम्यान, हजारो पर्यटक किल्ल्यावर अडकले असून त्यांना चार तास एकाच जागेवर उभा रहावं लागलं आहे. तर यासंदर्भातील अनेक रील सोशल मीडियावर व्हायरल झाले असून पर्यटकांनी विकेंडला या किल्ल्यावर फिरायला येऊ नका असं अवाहन करण्यात आलं आहे.

पुण्यापासून जवळ असलेल्या पर्यटन स्थळावर शनिवार आणि रविवार या दिवशी कायम गर्दी असते. मान्सून सीझनमध्ये अनेक पर्यटन स्थळावर पर्यटकांची गर्दी होत असते त्यामुळे विकेंडच्या दिवशी फिरायला जाताना काळजी घेतली पाहिजे.