लोणावळा-खंडाळा 'केमिस्ट'तर्फे नगरपरिषदेस मोफत औषधे  

लोणावळा : लोणावळा-खंडाळा मेडीकल असोसिएशनच्या वतीने लोणावळा नगरपरिषदेस एक लाख रुपयांची औषधे मोफत देण्यात आली.

बातम्या ऐकण्यासाठी डाऊनलोड करा ई-सकाळचे ऍप

लोणावळा नगरपरिषदेच्या वतीने नागरिकांच्या सुविधेसाठी फ्ल्यू क्लिनीक उभारले असून चार डाॅक्टरांची नियुक्ती करण्यात आली आहे. मात्र नागरिकांना त्रास होऊ नये यासाठी असोसिएशनचे अध्यक्ष नंदू खंडेलवाल यांनी नागरिकांना मोफत औषधोपचार व्हावेत यासाठी एक पाऊल पुढे जात नगराध्यक्षा सुरेखा जाधव, मुख्याधिकारी सचिन पवार यांच्याकडे असोसिएशनच्या माध्यमातून एक लाख रुपयांची औषधे मोफत देण्यात आली.

पुण्याच्या इतर बातम्या वाचण्यासाठी येथे ► क्लिक करा 

यावेळी उपनगराध्यक्ष श्रीधर पुजारी, रमेश परमार, खुशाल परमार, रवि परमार, कुमार परमार, आनंद परमार, अभय गव्हले, अभय भंडारी, मनोज गुप्ता, मनोज ओसवाल, उर्वेश पञावाला आदी पदाधिकारी उपस्थित होते. गरज भासल्यास यापूढेही मदत करण्यात येईल असे खंडेलवाल म्हणाले.

बातम्या ऐकण्यासाठी डाऊनलोड करा ई-सकाळचे ऍप

कोरोना विषाणूच्या उद्रेकामुळे सर्व भारतात संचारबंदी लागू आहे. यामध्ये अत्यावश्यक बाब म्हणून शहरातील सर्व औषध विक्रेते दिवस-रात्र रुग्णसेवा करत आहेत. परंतू सामाजिक आणि शासकीय कारणामुळे शहरातील मेडीकल दुकाने सकाळी ८ ते सायंकाळी ७ या वेळेत सुरु ठेवण्याचा निर्णय लोणावळा-खंडाळा केमिस्ट असोसिएशनच्या वतीने घेण्यात आला असल्याचे खंडेलवाल म्हणाले.