Police Action: FIR Registered Against Unknown Driver at Loni Kalbhor Station
सुनील जगताप
उरुळी कांचन : परिक्षेचा पेपर देऊन दुचाकी वरून घरी परतत असलेल्या दोन महाविद्यालयीन विद्यार्थ्यांना भरधाव वेगाने आलेल्या कारने धडक दिल्याने विद्यार्थी गंभीर जखमी झाले आहेत. अपघातानंतर कार चालक हा मदत न करता घटनास्थळावरून पळून गेला आहे. सदर अपघात लोणी काळभोर (ता. हवेली) ग्रामपंचायत हद्दीतील शिवशक्ती टायर्स समोर पुणे–सोलापूर महामार्गावर २७ मार्च रोजी दुपारी एक वाजण्याच्या सुमारास घडली आहे. यामध्ये तेजस संतोष साळुंखे (वय-२१) व त्याचा मित्र अभय पांडे (वय-२१) हे जखमी झाले आहे. याप्रकरणी तेजसचे काका संभाजी सुरेश साळुंखे (वय-३७, मांजरी खुर्द, ता. हवेली) यांनी लोणी काळभोर पोलीस ठाण्यात दिलेल्या फिर्यादीवरून अज्ञात चालकाच्या विरोधात गुन्हा दाखल करण्यात आला आहे.