पुणे : लम्पी आजाराच्या पार्श्वभूमीवर म्हशींव्यतिरिक्त सर्व गोवंशीय जनावरांना (गाय, म्हैस, बैल, वासरू आदी) लम्पी प्रतिबंधात्मक ‘गोट पॉक्स’ लसीकरण महापालिकेच्या आरोग्य विभागाने बंधनकारक केले आहे. जिल्ह्यात गोवंशीय जनावरांमध्ये लम्पी त्वचारोगाचा प्रादुर्भाव वाढत असल्यामुळे महापालिकेने खबरदारीचा उपाय म्हणून हे आदेश शुक्रवारी जारी केले आहेत. लसीकरण न झालेल्या जनावरांची वाहतूक परवानगीशिवाय करता येणार नाही, असे आदेशात म्हटले आहे.
