पुणे - नांदण्यास नकार दिल्याच्या कारणावरून पतीने पत्नीचा गळा चिरून खून केल्याची धक्कादायक घटना रविवारी (ता. २७) दुपारी लोहगावमधील खांदवे नगर परिसरात घडली. खून करून पळून गेलेल्या आरोपी पतीला विमानतळ पोलिसांनी अटक केली आहे..ममता प्रेम जाधव (वय २१, रा. काजळी तांडा, ता. जिंतूर, जि. परभणी) असे खून झालेल्या महिलेचे नाव आहे. तर आरोपी पतीचे नाव प्रेम उत्तम जाधव (वय २७, रा. काजळी तांडा, जिंतूर) असे आहे. याबाबत ममताच्या मावशी रेश्मा रामेश्वर राठोड (वय २८, रा. खांदवे नगर) यांनी विमानतळ पोलिस ठाण्यात फिर्याद दिली आहे..पोलिसांनी दिलेल्या माहितीनुसार, प्रेम याला दारूचे व्यसन होते. तो सतत ममताला मानसिक त्रास देत होता. त्यामुळे ममता मागील सहा महिन्यांपासून खांदवे नगर येथे आईसोबत राहत होती. प्रेम तिला वारंवार नांदण्यासाठी विनवण्या करत होता, मात्र दारू सोडल्याशिवाय ती नांदणार नाही, असे ममताने सांगितले होते..रविवारी ममता आणि तिची मावशी रेश्मा घरी होत्या. प्रेम दुपारी सव्वातीन वाजण्याच्या सुमारास ममताला घरी घेऊन जाण्यास आला. परंतु नांदण्यास नकार दिल्याने त्याने पत्नीचा चाकूने गळा चिरून खून केला..या घटनेची माहिती मिळताच पोलिस उपायुक्त सोमय मुंडे, सहाय्यक आयुक्त प्रांजली सोनवणे, वरिष्ठ निरीक्षक गोविंद जाधव, सहाय्यक निरीक्षक सपना देवतळे, पोलिस उपनिरीक्षक नितीन राठोड आणि पथकाने घटनास्थळी धाव घेतली. तत्काळ तपासाला सुरुवात करत अवघ्या दोन तासांत आरोपी पतीला अटक करण्यात आली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
