

esakal
Percentage Demanded for Contractor Bills at Manchar Nagar Panchayat, Deputy President Alleges
आंबेगाव : मंचर नगरपंचायतीमध्ये टक्केवारी घेतल्याशिवाय ठेकेदारांची कामांची बिले काढली जात नाहीत, असा गंभीर आरोप नगरपंचायतीचे उपनगराध्यक्ष लक्ष्मण थोरात यांनी बुधवारी (ता. १८) मुख्याधिकारी किरण मार्कंड यांच्यासमोर केला. यावेळी स्थानिक पत्रकार उपस्थित होते.
थोरात म्हणाले, "नगरपंचायतीवर प्रशासकीय राजवट असतानाच्या ठेकेदारांची बिले प्राधान्याने काढली जातात. मात्र, सध्याच्या ठेकेदारांना बिलांसाठी वारंवार हेलपाटे मारावे लागत आहेत. बिले काढण्यासाठी टक्केवारी मागितली जात असल्याच्या तक्रारीही प्राप्त झाल्या आहेत. या प्रकाराची चौकशी करून दोषींवर कारवाई करावी."