सावित्रीबाई फुले यांच्या जयंतीनिमित्त किशोरी मेळावा संपन्न

मांडवे जिल्हा परिषद शाळा
मांडवे : माळशिरस तालुक्यातील मांडवे येथील जिल्हा परिषद शाळांच्या वतीने जयंती समारंभ महिला व किशोरी प्रबोधन दिवस म्हणून साजरा करण्यात आला. यावेळी किशोरी आणि महिला यांचा मेळावा झाला. यावेळी विविध प्रबोधनात्मक कार्यक्रमाचे आयोजन करण्यात आले होते. याप्रसंगी बोलताना श्रीमंत कोकाटे यांनी पहिल्या मुख्याध्यापिका, पहिल्या शिक्षिका, उत्कृष्ट कवयित्री आणि समाजासाठी जीवन अर्पण करणाऱ्या समाजसेविका म्हणून सावित्रीबाई फुले यांच्या विविध कार्यावर त्यांनी प्रकाशझोत टाकला. यावेळी राहुल रूपनवर, सरपंच तात्यासाहेब शिंदे, बबन पालवे, प्रशांत पाटील, विठ्ठल पालवे, पिनू पालवे, प्रणव थोरात, मुख्याध्यापक नीलेश उंबरजे, शाळा व्यवस्थापन समितीचे अध्यक्ष दादा रूपनवर, उपाध्यक्ष अभिजित जगताप आदी मान्यवर उपस्थित होते. सूत्रसंचालन अरुण कुंभार यांनी केले. महादेव पालवे यांनी आभार मानले.