मांडवगण फराटा, ता. २४ : मांडवगण फराटा (ता. शिरूर) येथील गायकवाड मळा परिसरात बिबट्याचा वावर वाढल्याने ग्रामस्थांमध्ये भीतीचे वातावरण आहे. सायंकाळी सहा ते रात्री दहा या वेळेत वीजपुरवठा बंद राहत असल्याने लहान मुले, ज्येष्ठ, पशुधन तसेच विद्यार्थ्यांच्या सुरक्षेचा प्रश्न निर्माण झाला आहे. त्यामुळे गायकवाड मळा येथील वीजपुरवठा पूर्णवेळ सिंगल फेजवर सुरू ठेवावा, अशी मागणी ग्रामपंचायतीने महावितरणच्या शिरूर शाखेकडे केली आहे.
ग्रामपंचायतीच्या वतीने याबाबत यापूर्वी २० ऑगस्ट रोजी पत्र देण्यात आले होते. मात्र, अद्याप कार्यवाही झालेली नसल्याचे ग्रामपंचायतीने म्हटले आहे. गायकवाड मळा परिसरात मोठ्या प्रमाणात लोकवस्ती असून जिल्हा परिषद शाळाही आहे. बिबट्याचा वावर वाढल्याने रात्रीच्या वेळी अंधारामुळे नागरिकांमध्ये अधिक भीती निर्माण होत आहे. ग्रामस्थांची सुरक्षितता लक्षात घेऊन सायंकाळी सहा ते रात्री दहा या कालावधीतही वीजपुरवठा सुरू राहणे आवश्यक आहे. त्यामुळे गायकवाड मळा परिसरात वीजपुरवठा पूर्णवेळ सिंगल फेजवर करण्याची मागणी ग्रामस्थांसह सरपंच समीक्षा अक्षय फराटे यांनी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
