Pune Deadly Road: मांजरी खुर्द–कोलवडी रस्ता मृत्यूचा सापळा; खड्डे, अवजड वाहतूक आणि प्रशासनाच्या दुर्लक्षामुळे नागरिक हैराण

मांजरी खुर्द : वाढते नागरीकरण, रहदारी आणि वाहनांची संख्या यामुळे मांजरी खुर्द - कोलवडी (ता. हवेली) हा सुमारे साडेचार किलोमीटरचा रस्ता अगोदरच धोकादायक झाला आहे. त्यातच फुटा फुटावर निर्माण झालेले रस्त्यावरील खड्डे, कुठे गायब तर कुठे उखडलेल्या साईड पट्ट्या आणि मिक्सर, डंपर सारख्या अवजड वाहनांची होणारी बेदरकार वाहतूक यामुळे हा रस्ता मृत्यूचा सापळा बनत चालला आहे. प्रवाशांना कमालीचा धोका निर्माण झाला आहे. लोकप्रतिनिधी व प्रशासनाच्या वारंवार बदलणाऱ्या अश्वासनांमुळे नागरिक व प्रवासी हैराण झाले असून या रस्त्यावरील वाहतूक सुरक्षित कधी होईल, असा सवाल त्यांच्याकडून केला जात आहे.