चास येथील विद्यालयात कुसुमाग्रज यांना अभिवादन

चास, ता. २७ : चास (ता. खेड) येथील रयत शिक्षण संस्थेच्या जवाहर विद्यालयात मराठी भाषा गौरव दिन उत्साहात साजरा करण्यात आला. यावेळी कुसुमाग्रज यांच्या प्रतिमेचे पूजन करून त्यांना अभिवादन करण्यात आले.
वि. वा. शिरवाडकर उर्फ कुसुमाग्रज यांचा जन्मदिवस सर्वत्र मराठी भाषा गौरव दिन म्हणून साजरा करण्यात येतो. मुख्याध्यापक किशोर जगताप यांच्या हस्ते कुसुमाग्रज उर्फ वि. वा. शिरवाडकर यांच्या प्रतिमेचे पूजन केले. यावेळी सहशिक्षक सुनीता घेवडे, माणिक सावंत, महेंद्र जोशी, कृष्णा राठोड, स्वाती टाकळकर, गीता बागल, कीर्ती गंभीर, आशा राऊत, कपिल तिरपुडे यांसह अन्य मान्यवर उपस्थित होते. अश्‍विनी कोंढावळे, भाग्यश्री मुळूक, प्रणाली राऊत, सई मुळूक या विद्यार्थ्यांनी मराठी भाषा गौरव दिनाच्या निमित्ताने मनोगत व्यक्त केले. याप्रसंगी मुख्याध्यापकांच्या हस्ते विद्यार्थ्यांसह सर्व मराठी विषय शिक्षकांचे गुलाबपुष्प देऊन स्वागत करण्यात आले.
अर्चना कोकाटे यांनी प्रास्ताविक केले. श्रेया मुळूक हिने सूत्रसंचालन केले. तनया नाईकरे हिने आभार मानले. याप्रसंगी दिलीप बेंडुरे, सुनीता घेवडे, राजशेखर वाघमारे, महेश सुरवसे, विलास लोखंडे, अविनाश जाधव, महेंद्र जोशी, कृष्णा राठोड, स्वाती टाकळकर, गीता बागल आदी उपस्थित होते. याप्रसंगी विद्यार्थ्यांनी सर्व मराठी विषय शिक्षकांचे गुलाबपुष्प देऊन आभार व्यक्त केले.