शिरूर : तालुक्यातील कोरोनाच्या वाढत्या प्रादूर्भावाच्या पार्श्वभूमीवर शिरूर शहरासह तालुक्यातील दहा मुख्य गावांमधील आठवडे बाजार पुढील काही काळासाठी बंद ठेवण्याचा निर्णय प्रशासनाने घेतला असून, उद्या (सोमवार) पासूनच या निर्णयाची अंमलबजावणी सुरू होणार आहे. या कालावधीत रस्त्यावर भाजीविक्रीसही प्रतिबंध करण्यात आला आहे.
सद्यस्थितीत शिरूर शहरातील कोरोनाबाधितांची संख्या १७० पर्यंत गेली असून, अनेक गावांत कोरोनाचा संसर्ग दिवसेंदिवस वेगाने वाढत आहे. या पार्श्वभूमीवर शिरूर, शिक्रापूर, कोरेगाव भीमा, तळेगाव ढमढेरे, रांजणगाव गणपती, सणसवाडी, कारेगाव, धानोरे, डिंग्रजवाडी, तर्डोबाची वाडी व शिरूर ग्रामीण ग्रामपंचायतीच्या हद्दीतील आठवडे बाजार काही काळासाठी बंद ठेवण्याचा निर्णय महसूल प्रशासनाने आज घेतला. लगेचच या निर्णयाची अंमलबजावणी सुरू करण्यात येत असल्याचे प्रांताधिकारी संतोषकुमार देशमुख यांनी सांगितले.
या गावांमध्ये रस्त्यावर भाजीविक्री करता येणार नाही, असेही त्यांनी स्पष्ट केले. व्यावसायिकांनी सोशल डिस्टनसिंग व कोरोनाच्या पार्श्वभूमीवर शासनाने घालून दिलेल्या नियमांची काटेकोर अंमलबजावणी करावी. त्याचबरोबर ग्राहकांनीही सोशल डिस्टन्सिंग पाळावे. शासकीय नियमाचा भंग झाल्यास प्रत्येकी दोनशे रूपये दंडाची शिक्षा केली जाईल, असे ते म्हणाले.
पुण्याच्या बातम्या वाचण्यासाठी येथे क्लिक करा
दुकाने, व्यावसायिक गाळे, बॅंका यांनाही नियम लागू असून, प्रथम नियमभंग झाल्यास पाचशे रूपये; तर दुस-यांदा एक हजार रूपये दंड केला जाईल. त्यानंतरही नियमभंग झाल्यास फौजदारी कारवाई करून दुकान बंद केले जाईल, असा इशारा प्रांताधिकारी देशमुख यांनी दिला. सद्यस्थितीत, दुचाकीवरून एकानेच प्रवास करावा असा शासकीय नियम आहे, तो मोडल्यास दोन किंवा त्याहून अधिक जण दुचाकीवरून प्रवास करताना दिसल्यास दोनशे रूपये दंड आकारला जाईल, असे त्यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.