पती म्हणाला, मी तुला सांभाळणार नाही म्हणून पत्नीने घेतले स्वत:ला पेटवून

पुणे : पहिले लग्न झालेले असतानाही पतीने दुसरे लग्न केले. तेवढ्यावरच न थांबता दुसऱ्या पत्नीलाही मानसिक व शारीरिक त्रास दिला. या सगळ्या प्रकारास कंटाळून दुसऱ्या पत्नीने अंगावर पेट्रोल ओतून आत्महत्या केल्याचा धक्कादायक प्रकार उघडकीस आला आहे. ही घटना गुरुवारी सायंकाळी सात वाजता आंबेगाव बुद्रूक येथे घडली. 

पुणे : पिरंगुटमध्ये दुकानांना भीषण आग; जीवितहानी नाही
भाग्यश्री राहुल शिरुरे (वय 26, रा. संतोषनगर कात्रज) असे आत्महत्या करणाऱ्या महिलेचे नाव आहे. राहुल ऊर्फ कोंडिबा पुंडलिक शिरुरे (वय 40) असे अटक केलेल्या संशयित आरोपीचे नाव आहे. याप्रकरणी सोलापूर येथे राहणाऱ्या 27 वर्षीय महिलेने भारती विद्यापीठ पोलिस ठाण्यात फिर्याद दिली आहे.

अरे बापरे! मानाच्या विड्यासाठी मोजले तब्बल ३० लाख! कोठे ते पहा?

पोलिसांनी दिलेल्या माहितीनुसार, फिर्यादी यांची बहीण भाग्यश्री हिचे राहुल शिरुरे यांच्यासमवेत लग्न झाले होते. परंतु राहुल शिरुरे याने त्याचे पहिले लग्न झाल्याचे फिर्यादी व त्यांच्या बहिणीपासून लपवून ठेवले. त्यानंतर त्याने भाग्यश्री हिला पत्नीप्रमाणे वागणूक न देता तिचा सांभाळ करण्यास असमर्थता दर्शविली. त्यानंतर तिच्या चारित्र्यावर संशय घेऊन तिला सातत्याने मानसिक व शारीरिक त्रास देण्यास सुरवात केली.

फक्त मौज-मजेसाठी 'त्यांनी' चोरल्या 25 दुचाकी
दरम्यान, गुरुवारी भाग्यश्री ही तिच्या पतीच्या घरी गेली. तिने "तु माझा फोन का उचलत नाहीस', असा जाब विचारला. त्यावेळी तिच्या पतीने तिला "मी तुला सांभाळणार नाही, तुला मरायचे असेल तर मरून जा' असे सांगून भाग्यश्री हीस आत्महत्या करण्यास प्रवृत्त केले. या प्रकारामुळे मानसिक धक्का बसल्याने भाग्यश्रीने पेट्रोल विकत आणून पतीच्या राहत्या घरी अंगावर पेट्रोल ओतून स्वतःला जाळून घेत आत्महत्या केली. या घटनेनंतर पोलिसांनी भाग्यश्रीच्या मृत्यूस जबाबदार असल्याप्रकरणी शिरुरे यास अटक केली.