Swargate Katraj Traffic
sakal
पुणे - नगर रस्ता आणि सोलापूर रस्त्यानंतर आता शहराचे प्रमुख प्रवेशद्वार असलेल्या सातारा रस्त्यावरही वाहनचालकांना वाहतूक कोंडीचा सामना करावा लागत आहे. स्वारगेट ते कात्रज दरम्यान सुरू असलेल्या मेट्रोच्या कामामुळे या मार्गावर वाहतुकीचा पुरता बोजवारा उडाला असून, प्रमुख चौक हे कोंडीचे ‘हॉटस्पॉट’ ठरत आहेत. वाढते अपघात आणि सायंकाळच्या वेळी होणारी कोंडी लक्षात घेता, वाहतूक पोलिसांनी तातडीने योग्य नियोजन करण्याची गरज आहे.
