पुण्यात नोंदवली आतापर्यंतची उच्चांकी मृत्यू संख्या; रुग्णसंख्येचा आकडाही ७८ हजार पार!

पुणे : पुणे शहर, पिंपरी चिंचवड आणि ग्रामीण भागात मिळून बुधवारी (ता.२९) जिल्ह्यात दोन हजार ६१३ नवे कोरोना रुग्ण आढळून आले आहेत. यामध्ये पुणे शहरातील १ हजार ३०८ जणांचा समावेश आहे. शहरातील रुग्णांच्या संख्येत बुधवारी १७५ ने वाढ झाली आहे. यामुळे पुणे जिल्ह्यातील आजपर्यंतची एकूण रुग्ण संख्या ७८ हजार १३ वर पोहोचली आहे.

- पुण्यात आत्महत्येचं सत्र काही थांबेना; एसीच्या जागेतून तिनं उडी मारत संपवलं जीवन!​

दरम्यान, बुधवारी दिवसभरात उच्चांकी ६६ रुग्णांचा मृत्यू झाला आहे. यामुळे जिल्ह्यातील एकूण मृत्यूंची संख्या आता १ हजार ८५८ झाली आहे. दिवसभरातील एकूण मृत्यूंमध्ये सर्वाधिक ३९ रुग्ण पुणे शहरातील आहेत.

पुणे शहरातील सर्वाधिक रुग्णांपाठोपाठ पिंपरी चिंचवडमध्ये १ हजार २२ रुग्ण सापडले आहेत. पिंपरी-चिंचवड शहरात मंगळवारच्या रुग्णांच्या तुलनेत बुधवारी १०८ रुग्ण कमी झाले आहेत. 

जिल्हा परिषद क्षेत्रात १७६ आणि नगरपालिका व कॅंटोन्मेंट बोर्डात मिळून १०७ नवे  रुग्ण नोंदले गेले आहेत. मंगळवारी (ता. २८) रात्री ९ वाजल्यापासून बुधवारी (ता. २९) रात्री नऊ वाजेपर्यंतची ही आकडेवारी आहे.

बुधवारी मृत्यू पावलेल्यांमध्ये शहरातील ३९ रुग्णांच्या पाठोपाठ पिंपरी चिंचवडमधील ८, जिल्हा परिषद कार्यक्षेत्रातील १३ आणि नगरपालिका व कॅंंटोन्मेंट बोर्डातील मिळून सहा जणांचा समावेश आहे.

- पुण्याच्या बातम्या वाचण्यासाठी येथे क्लिक करा

(Edited by : Ashish N. Kadam)