पुण्यात दहशतवादविरोधी पथकाने १२ लाखांचे म्याव म्याव ड्रग्स म्हणजेच एमडी (Mephedrone Drugs) पकडले आहेत. पुणे रेल्वे स्टेशन परिसरात ही कारवाई करण्यात आली आहे. यात एका अंमलीपदार्थ तस्कराला पोलिसांनी अटक केली आहे. (Pune Crime News)
या प्रकरणात एकाला अटक करण्यात आल्यानंतर त्याच्याकडून ११ लाख ८० हजार रुपयांचे ११८ ग्रॅम एमडी (मेफेड्रोन) अंमली पदार्थ जप्त करण्यात आले आहेत. महंमद फारुख महंमद उमर टाक असे अटक केलेल्या तस्कराचे नावं असून तो मूळचा राजस्थानचा आहे.
दहशतवाद विरोधी पथकाने दिलेल्या माहितीनुसार, पुणे रेल्वे स्टेशनच्या परिसरातील मालधक्का चौकात एक इसम येणार असल्याची माहिती पथकाला मिळाली. त्यानुसार महंमद टाक याला ताब्यात घेण्यात आले. पोलिसांनी त्याची झडती घेतली. यानंतर ११ लाख ८० हजार रुपयांचे ११८ ग्रॅम एमडी प्रकारचे ड्रग्ज आढळून आले आहेत.
त्याच्याकडून मोबाईल, डिजिटल वजन काटा, २ हजार ५९० रुपये रोख, आधारकार्ड, डेबीट कार्ड असे साहित्य जप्त केले असून त्याच्या अन्य दोन साथीदारांचा शोध घेण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.