पुणे - पुणे आणि परिसरातील उष्णतेचा पारा चांगलाच वाढू लागला आहे. शनिवारी (ता. ८) ३९ अंश सेल्सिअस तापमान नोंदविले गेले. उपनगरातील लोहगाव, कोरेगाव पार्क आणि चिंचवड येथे सर्वाधिक ४० अंश सेल्सिअस इतक्या कमाल तापमानाची नोंद झाली. हे यंदाच्या हंगामातील आतापर्यंतचे सर्वाधिक कमाल तापमान आहे.
शुक्रवारी (ता. ७) पुणे शहरात ३७ अंश सेल्सिअस इतक्या कमाल तापमानाची नोंद झाली होती. शनिवारी यात सुमारे दोन अंश सेल्सिअसने वाढ झाली. येत्या तीन दिवसांमध्ये कमाल तापमान आणखी वाढण्याची शक्यता भारतीय हवामानशास्त्र विभागाने वर्तविली आहे.
वातावरणात गेल्या काही दिवसांपासून मोठे बदल होताना दिसत आहेत. पारा सातत्याने वाढत आहे. कमाल तापमान वाढल्यामुळे उन्हाचा चटका वाढत आहे. त्यामुळे नागरिक उकाड्याने त्रस्त होऊ लागले आहेत. मार्च महिन्याच्या पहिल्याच दिवसापासून शहरासह जिल्ह्यातील कमाल तापमानात कमी-अधिक वाढ होत असल्याने उन्हाचा चटका जाणवत आहे. गेल्या काही दिवसांमध्ये कमाल व किमान तापमानात काही अंश घट झाली होती.
राज्यातील भागात कोणतीही चक्रीय प्रणाली सक्रिय नाही. त्यामुळे पुढील चार ते पाच दिवस गोव्यासह संपूर्ण महाराष्ट्रात हवामान कोरडे राहण्याची शक्यता आहे. पुणे आणि परिसरामध्ये पुढील तीन दिवस आकाश मुख्यतः निरभ्र राहण्याची शक्यता आहे.
पुणे आणि परिसरात रविवारी (ता. ९) कमाल तापमान स्थिर राहून ते ३९ अंश सेल्सिअस इतके नोंदविले जाईल. किमान तापमान १५ अंश सेल्सिअस नोंदवले जाईल. आकाश मुख्यतः निरभ्र राहण्याची शक्यता आहे. मंगळवारी (ता. ११) कमाल तापमान ३९ अंश सेल्सिअस नोंदविले जाईल. किमान तापमानात वाढ होऊन ते १६ अंश सेल्सिअस नोंदविले जाईल. आकाश मुख्यतः निरभ्र राहण्याची शक्यता हवामानशास्त्र विभागाने वर्तविली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.