म्हसवडला बुधवारी आठवडी बाजार रिंगावण पेठ यात्रा मैदानात भरणार

म्हसवडला बुधवारी
आठवडी बाजार
म्हसवड, ता. ३ : येथील उद्या (बुधवार) भरत असलेला आठवडी बाजार रिंगावण पेठ मैदानात भरविला जाणार असल्याची माहिती पालिका मुख्याधिकारी डॉ. सचिन माने यांनी दिली. पालिका कार्यालयासमोरील मैदानात प्रत्येक बुधवारी आठवडी बाजार भरत असतो. या मैदानात आठ मार्चला महिला दिनानिमित्त महिलांच्या बचत गटांचे विविध वस्तू विक्रीचे स्टॉल्स उभारण्यात आले, तसेच इतर व करमणुकीच्या कार्यक्रमांचे आयोजन पालिकेच्या वतीने करण्यात आले आहे. यामुळे या जागेतील आठवडी बाजार रिंगावण पेठ यात्रा मैदानात उद्या (बुधवार) बुधवारी भरविला जाणार आहे. आठवडी बाजारास येणारे विविध वस्तूंचे विक्रेते, ग्राहक व नागरिकांनी नोंद घ्यावी, असे आवाहन डॉ. सचिन माने यांनी केले आहे.