पुण्यातून ३५ हजार मजूर मूळ गावी रवाना; काय आहे आजच्या रेल्वेगाड्यांचे नियोजन?

पुणे : लॉकडाऊनमुळे अडकलेल्या उत्तरप्रदेश, मध्यप्रदेश, उत्तराखंड, तामिळनाडू, राजस्थान आणि बिहार राज्यामधील 35 हजार 163 मजुरांना घेऊन पुणे विभागातून 28 विशेष रेल्वेगाड्या रवाना करण्यात आल्या. विभागीय आयुक्त डॉ. दीपक म्हैसेकर यांनी गुरुवारी पत्रकार परिषदेत ही माहिती दिली.

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे ► क्लिक करा

डॉ. म्हैसेकर म्हणाले, पुणे विभागातून मध्यप्रदेशसाठी  11, उत्तरप्रदेशसाठी 11, उत्तराखंड, बिहार आणि तामिळनाडूसाठी प्रत्येकी एक, राजस्थानसाठी तीन अशा एकूण 28 रेल्वेगाड्या सोडण्यात आल्या आहेत.

पिंपरी चिंचवडच्या परिस्थितीचा नड्डा यांनी घेतला व्हिसीद्वारे आढावा

आजच्या रेल्वेगाड्यांचे नियोजन :
पुणे विभागातून 15 मे रोजी मध्यप्रदेशसाठी तीन रेल्वेगाड्या नियोजित असून, यामध्ये एकूण 3 हजार 600 प्रवाशी अपेक्षित आहेत. यापैकी पुणे स्थानकावरून तीन रेल्वे गाड्यांचे नियोजन करण्यात आले आहे. तसेच, उत्तरप्रदेशसाठी तीन रेल्वे गाड्यांचे नियोजन करण्यात आले असून, यामध्ये 4 हजार 312 प्रवाशी अपेक्षित आहेत. यापैकी पुणे रेल्वे स्थानकामधून एक आणि कोल्हापूर रेल्वे स्थानकामधून दोन रेल्वे गाड्यांचे नियोजन करण्यात आले आहे. तर, बिहारसाठी कोल्हापूर स्थानकामधून एक रेल्वे नियोजित असून, एक हजार 456 प्रवाशांना पाठवण्यात येणार आहे. यासाठी जिल्हा प्रशासन, पोलिस यंत्रणा, संबंधित तहसील कार्यालय आणि रेल्वे विभागाच्या अधिकारी-कर्मचारी यांनी  यामध्ये महत्त्वाची भूमिका बजावली आहे.