निरगुडसर - सरकारने जाहीर केलेल्या जुलै ते सप्टेंबर या तीन महिन्यांत आलेल्या प्रस्तावांचे १७९ कोटी दिले; परंतु त्यानंतर दुधाला जाहीर केलेले प्रतिलिटर सात रुपये अनुदान १ ऑक्टोबर ते १५ जानेवारी या साडेतीन महिन्यांपासून रखडले आहे..सरकारकडून अनुदान प्राप्त न झाल्याने ऑक्टोबरपासून जिल्हा दूध विकास विभागाने दूध अनुदानाचे प्रस्तावच घेतले नसल्याने दूध अनुदान मिळणार, की नाही, असा प्रश्न उपस्थित राहत आहे. अशामध्ये जनावरांना आहारात रोज लागणारा भुसा ५० किलो बॅगमागे २०० रुपयांनी महागल्याने उत्पादन खर्चात वाढ झाली आहे. त्यामुळे शेतकरी अडचणीत सापडला आहे..शासनाच्या १२ जुलै २०२४च्या निर्णयानुसार दूध उत्पादक शेतकऱ्यांना प्रतिलिटर पाच रुपये अनुदान योजना जाहीर करण्यात आली होती. ही योजना १ जुलै २०२४पासून सुरू झाली असून, या योजनेत पुणे जिल्ह्यातील ११८ सहकारी व खासगी दूध प्रकल्पांनी सहभाग नोंदवला आहे.१ जुलै ते ३० सप्टेंबर २०२४ या तीन महिन्यांसाठी सरकारने प्रतिलिटर पाच रुपये अनुदान देण्याची घोषणा केली होती. त्यावेळी दुधाला फॅट ३.५ आणि ८.५ एसएनएफसाठी ३० रुपये दर होता. या तीन महिन्यांचे १७९ कोटी रुपयांचे अनुदान सरकारने दूध उत्पादक शेतकऱ्यांना दिले आहे..त्यामध्येही अनेक दूध उत्पादक शेतकरी वंचित आहेत. त्यानंतर १ ऑक्टोबर २०२४ पासून प्रतिलिटर दोन रुपये वाढ करून सात रुपये अनुदान देण्याचे जाहीर करण्यात आले. फॅट ३.५ आणि ८.५ एसएनएफसाठी २८ रुपये दूध दर करण्यात आला होता. मात्र, हे अनुदान शेतकऱ्यांना अद्याप मिळालेले नाही.गव्हाच्या तुटवड्यामुळे भुसा प्रति ५० किलो पिशवीमागे २०० रुपयांनी महागला आहे. आता नवीन गहू येईपर्यंत दर वाढलेलेच राहतील, असा अंदाज आहे. दर वाढल्याने दूध उत्पादक शेतकऱ्यांच्या खर्चात वाढ झाली आहे.- प्रदीप हिंगे, पशूखाद्य विक्रेते, मंचर (ता. आंबेगाव).सरकारने जुलै २०२४ पासून दुधाला प्रतिलिटर पाच रुपये अनुदान जाहीर केले. हे अनुदान टप्प्याटप्प्याने आमच्या दूध उत्पादकांना मिळाले. परंतु १ ऑक्टोबर २०२४ पासून दुधाच्या अनुदानात वाढ करून प्रतिलिटर सात रुपये देण्याचे जाहीर केले. परंतु गेल्या साडेतीन महिन्यांचे अनुदान आम्हाला मिळाले नाही. आमच्या दूध उत्पादक शेतकऱ्यांचे तीन महिन्यांचे जवळपास २५ लाख रुपयांचे अनुदान रखडले आहे.- बाळासाहेब टेमगिरे, अध्यक्ष, शिवशंकर दूध संस्था, थोरांदळे, (ता. आंबेगाव).जुलै ते सप्टेंबर २०२४ अखेर जिल्ह्यातील १७९ कोटींचे प्रस्ताव दूध विकास विभागाला प्राप्त झाले, यातून जिल्ह्यातील १० लाख २० हजार ७७८ शेतकऱ्यांना ३५ कोटी ८३ लाख १६ हजार ६८२ लिटर दुधाच्या अनुदानापोटी १७९ कोटींचे वितरण करण्यात आले. त्यानंतर निधी न आल्याने ऑक्टोबर २०२४ पासून अनुदान वाटपाचे प्रस्ताव घेतले नसून, वाटप प्रलंबित आहे.- सतीश डोईफोडे, जिल्हा दूध विकास अधिकारी.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
निरगुडसर - सरकारने जाहीर केलेल्या जुलै ते सप्टेंबर या तीन महिन्यांत आलेल्या प्रस्तावांचे १७९ कोटी दिले; परंतु त्यानंतर दुधाला जाहीर केलेले प्रतिलिटर सात रुपये अनुदान १ ऑक्टोबर ते १५ जानेवारी या साडेतीन महिन्यांपासून रखडले आहे..सरकारकडून अनुदान प्राप्त न झाल्याने ऑक्टोबरपासून जिल्हा दूध विकास विभागाने दूध अनुदानाचे प्रस्तावच घेतले नसल्याने दूध अनुदान मिळणार, की नाही, असा प्रश्न उपस्थित राहत आहे. अशामध्ये जनावरांना आहारात रोज लागणारा भुसा ५० किलो बॅगमागे २०० रुपयांनी महागल्याने उत्पादन खर्चात वाढ झाली आहे. त्यामुळे शेतकरी अडचणीत सापडला आहे..शासनाच्या १२ जुलै २०२४च्या निर्णयानुसार दूध उत्पादक शेतकऱ्यांना प्रतिलिटर पाच रुपये अनुदान योजना जाहीर करण्यात आली होती. ही योजना १ जुलै २०२४पासून सुरू झाली असून, या योजनेत पुणे जिल्ह्यातील ११८ सहकारी व खासगी दूध प्रकल्पांनी सहभाग नोंदवला आहे.१ जुलै ते ३० सप्टेंबर २०२४ या तीन महिन्यांसाठी सरकारने प्रतिलिटर पाच रुपये अनुदान देण्याची घोषणा केली होती. त्यावेळी दुधाला फॅट ३.५ आणि ८.५ एसएनएफसाठी ३० रुपये दर होता. या तीन महिन्यांचे १७९ कोटी रुपयांचे अनुदान सरकारने दूध उत्पादक शेतकऱ्यांना दिले आहे..त्यामध्येही अनेक दूध उत्पादक शेतकरी वंचित आहेत. त्यानंतर १ ऑक्टोबर २०२४ पासून प्रतिलिटर दोन रुपये वाढ करून सात रुपये अनुदान देण्याचे जाहीर करण्यात आले. फॅट ३.५ आणि ८.५ एसएनएफसाठी २८ रुपये दूध दर करण्यात आला होता. मात्र, हे अनुदान शेतकऱ्यांना अद्याप मिळालेले नाही.गव्हाच्या तुटवड्यामुळे भुसा प्रति ५० किलो पिशवीमागे २०० रुपयांनी महागला आहे. आता नवीन गहू येईपर्यंत दर वाढलेलेच राहतील, असा अंदाज आहे. दर वाढल्याने दूध उत्पादक शेतकऱ्यांच्या खर्चात वाढ झाली आहे.- प्रदीप हिंगे, पशूखाद्य विक्रेते, मंचर (ता. आंबेगाव).सरकारने जुलै २०२४ पासून दुधाला प्रतिलिटर पाच रुपये अनुदान जाहीर केले. हे अनुदान टप्प्याटप्प्याने आमच्या दूध उत्पादकांना मिळाले. परंतु १ ऑक्टोबर २०२४ पासून दुधाच्या अनुदानात वाढ करून प्रतिलिटर सात रुपये देण्याचे जाहीर केले. परंतु गेल्या साडेतीन महिन्यांचे अनुदान आम्हाला मिळाले नाही. आमच्या दूध उत्पादक शेतकऱ्यांचे तीन महिन्यांचे जवळपास २५ लाख रुपयांचे अनुदान रखडले आहे.- बाळासाहेब टेमगिरे, अध्यक्ष, शिवशंकर दूध संस्था, थोरांदळे, (ता. आंबेगाव).जुलै ते सप्टेंबर २०२४ अखेर जिल्ह्यातील १७९ कोटींचे प्रस्ताव दूध विकास विभागाला प्राप्त झाले, यातून जिल्ह्यातील १० लाख २० हजार ७७८ शेतकऱ्यांना ३५ कोटी ८३ लाख १६ हजार ६८२ लिटर दुधाच्या अनुदानापोटी १७९ कोटींचे वितरण करण्यात आले. त्यानंतर निधी न आल्याने ऑक्टोबर २०२४ पासून अनुदान वाटपाचे प्रस्ताव घेतले नसून, वाटप प्रलंबित आहे.- सतीश डोईफोडे, जिल्हा दूध विकास अधिकारी.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
