accused sahil khaire
sakal
पुणे/आळेफाटा - जुन्नर तालुक्यातील पिंपळवंडी गावात एका दहा वर्षांच्या अल्पवयीन मुलीवर लैंगिक अत्याचार करून तिचा निर्घृण खून केल्याची धक्कादायक घटना समोर आली आहे. गुन्हा केल्यानंतर स्वतः पोलिसांसमवेत मुलीचा शोध घेण्याचे सोंग करणाऱ्या २५ वर्षीय नराधमाला आळेफाटा पोलिसांनी अटक केली. दरम्यान, पोलिसांनी आज आरोपीला जुन्नरच्या न्यायालयात हजर केले. न्यायालयाने आरोपीला १३ दिवसांची पोलिस कोठडी सुनावली आहे.
