खुटबाव - पुणे शहरात मुंबई उच्च न्यायालयाचे खंडपीठ सुरु करण्याची मागणी गेल्या ४६ वर्षांपासून प्रलंबित आहे. १९७८ मध्ये महाराष्ट्र विधिमंडळात पुणे व औरंगाबाद येथे खंडपीठ सुरु करण्याचा ठराव मंजूर केला गेला..मात्र केवळ औरंगाबादमध्येच खंडपीठ सुरु करण्यात आले. पुणे शहर अद्याप खंडपीठाच्या प्रतिक्षेत आहे. तरी पुण्यासाठी स्वतंत्र खंडपीठ सुरू करावे अशी मागणी राहुल कुल यांनी मुंबई येथील हिवाळी अधिवेशनात केली आहे.यावेळी कुल म्हणाले की,.पुण्यातील वकील, नागरिक आणि विविध संघटनांकडून खंडपीठाच्या आग्रही भूमिकेसाठी वेळोवेळी आंदोलने, निवेदने आणि बैठका आयोजित करण्यात येत आहेत. भविष्यामध्ये पुणे येथे खंडपीठ सुरु झाल्यास, मुंबईला असलेल्या खटल्यांचा भार कमी होईल..तसेच पुणे, सोलापूर, सातारा, सांगली, कोल्हापूर, अहमदनगर, नाशिक या भागातील नागरिकांना न्याय मिळवणे अधिक सोयीचे होईल.याशिवाय महाराष्ट्रात वकील बांधवांवर सातत्याने प्राणघातक हल्ले होण्याच्या घटनांत वाढ होत आहे..नाशिक, पुणे, पंढरपूर आणि इतर भागांतील ताज्या घटनांच्या पार्श्वभूमीवर वकील संरक्षण कायदा अमलात यावा. दोन्ही मागण्यांच्या पार्श्वभूमीवर राज्यातील संबंधित वर्गात तीव्र असंतोष असून, प्रशासनाकडून ठोस आणि सकारात्मक पावले अपेक्षित आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
