पाषाण : सुतारवाडी परिसरात रस्त्याच्या कडेला साचलेल्या सांडपाण्यामुळे परिसरात डेंग्यू व मलेरियाचा धोका वाढला आहे. या साचलेल्या पाण्यात मच्छरांची पैदास होत असल्याचे स्पष्टपणे दिसून येत आहे..विशेषतः रस्त्यातील खड्डे व चिखलयुक्त पाण्यात मच्छरांची अंडी आढळली आहेत. त्यामुळे महापालिका प्रशासनाने तातडीने पावले उचलत परिसराची स्वच्छता करावी, अशी मागणी परिसरातील नागरिकांनी केली आहे..या ठिकाणी कचऱ्याचे ढीग, मोकाट कुत्रे, तसेच झोपडपट्टीमधील अस्वच्छता यामुळे नागरिकांमध्ये भीतीचे वातावरण आहे. स्थानिक नागरिकांनी अनेक वेळा महापालिकेकडे तक्रारी केल्या असूनही अद्याप कोणतीही साफसफाई किंवा फवारणी केलेली नाही. परिसरात झोपडपट्टीच्या बाहेर झोपणाऱ्या व्यक्तींच्या आरोग्यालाही याचा मोठा धोका आहे..ज्येष्ठ नागरिक आणि लहान मुलांचे आरोग्य धोक्यात आले असून, दिवसेंदिवस रुग्णांची संख्या वाढत असल्याचे स्थानिक डॉक्टरांनीही सांगितले आहे. महापालिकेकडून डास नियंत्रणासाठी फवारणी किंवा औषधोपचार केला गेला नाही तर येत्या काही आठवड्यांत रोगराईचा उद्रेक होण्याची शक्यता नाकारता येत नाही..Balewadi Traffic : रस्त्याच्या दुरवस्थेमुळे वाहनचालकांची कसरत; बालेवाडीतील एसकेपी कॅम्पस परिसरातील स्थिती, वाहतूक कोंडीत भर.नागरिकांनी महापालिकेकडे त्वरित लक्ष देण्याची मागणी केली आहे. खड्डे बुजवून सांडपाणी वाहून नेण्याची व्यवस्था, तसेच डास निर्मूलनासाठी तत्काळ उपाययोजना करणे अत्यावश्यक ठरत असल्याचे स्थानिक रहिवाशांनी नमूद केले आहे.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
