द्राक्ष उत्पादक शेतकऱ्यांसाठी अमोल कोल्हे मैदानात 

amol kolhe
amol kolhe
Updated on: 

नारायणगाव (पुणे) : चक्री वादळ व गारपिटीने नुकसान झालेल्या द्राक्ष बागांना नुकसान भरपाई देण्यासाठी प्रयत्न केला जाईल. याबाबत कृषी आयुक्त सुहास दिवसे यांना सूचना केली जाईल, असे अश्वासन खासदार डॉ. अमोल कोल्हे यांनी दिले.

खासदार डॉ. कोल्हे, आमदार अतुल बेनके यांनी आज सकाळी नुकसानग्रस्त येडगाव (ता. जुन्नर) परिसराची पाहणी केली. त्यानंतर झालेल्या बैठकीत डॉ.कोल्हे यांनी शेतकऱ्यांशी संवाद साधला. या वेळी तालुका कृषी अधिकारी सतीश शिरसाठ, ग्रामनेते गुलाबराव नेहेरकर, सरपंच नरेश नेहेरकर, देविदास भोर, विविध संस्थांचे पदाधिकारी उपस्थित होते. 

या वेळी गुलाबराव नेहरकर म्हणाले की, येडगाव परिसरात १३ मे रोजी गारपीट व वादळी पाऊस झाला. ३ जून रोजी पाऊस, चक्री वादळ झाले. त्यामुळे या भागांतील फळभाजीपाला पिकांचे व मालमत्तेचे मोठे नुकसान झाले आहे. कृषी विभागाने द्राक्ष पिकांच्या  नुकसानीचे पंचनामे केले नाहीत. चक्री वादळाचा फटका तालुक्यातील सुमारे तीन हजार एकर क्षेत्रातील द्राक्ष बागांना बसला आहे. मागील दोन वर्षापासून द्राक्ष उत्पादक अडचणीत आहेत. इतर पिकांप्रमाणे द्राक्ष पिकांची नुकसान भरपाई मिळावी. 

आमदार बेनके म्हणाले की, चक्री वादळाने तालुक्यातील शेती पिकांचे, मालमत्तेचे नुकसान झाले आहे.
बहुवार्षिक फळ बागांना हेक्टरी ५० हजार रुपये नुकसान भरपाई देण्याचा व नुकसानग्रस्त घरांना दुरुस्तीसाठी वाढीव आर्थिक मदत करण्याचा निर्णय घेण्यात आला आहे. शेतकऱ्यांना योग्य मदत करण्यासाठी शासन कटीबद्ध आहे.


 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

Auto Rickshaw Drivers Protest in pune
India International Open Taekwondo Championship 2026
Water Security 2051
pune grand tourAI Technology Used for Road Quality Inspection for the First Time in Maharashtra