पुणे - पहेलगाम दहशतवादी हल्ल्यात मृत्यूमुखी पडलेले संतोष जगदाळे यांची मुलगी आसावरी जगदाळे यांना महापालिकेच्या सेवेत सामावून घ्यावे यासाठी खासदार डॉ. मेधा कुलकर्णी पाठपुरावा करत आहेत..त्यांनी आज जगदाळे यांच्या पत्नी प्रगती जगदाळे आणि मुलगी आसावरी यांना सोबत घेऊन उपमुख्यमंत्री एकनाथ शिंदे व महसूलमंत्री चंद्रशेखर बावनकुळे यांची भेट घेऊन नोकरीच्या प्रस्तावाला गती देण्याची मागणी केली..आसावरी यांना पुणे महापालिकेच्या नोकरीत सामावून घेण्याचा प्रस्ताव गेल्या सात महिन्यांपासून रखडला आहे. त्यावर कोणताही निर्णय होत नाही. डॉ. मेधा कुलकर्णी यांनी प्रधानमंत्री नरेंद्र मोदी यांना निवदेन दिले. केंद्रीय गृहमंत्री अमित शहा यांची नुकतीच भेट घेऊन यांच्यासोबत या विषयावर चर्चा केली आहे. त्यानंतर त्यांनी शिंदे आणि बावनकुळे यांची भेट घेतली..बावनकुळे यांनी महापालिका आयुक्त नवल किशोर राम यांच्याशी संपर्क करून यासंदर्भातील प्रस्ताव मुंबईला पाठविण्याचे आदेश दिले. दरम्यान, यासंदर्भात मुख्यमंत्री देवेंद्र फडणवीस यांना भेटणार असून, काम पूर्ण होईपर्यंत पाठपुरावा करणार आहे, असे कुलकर्णी यांनी सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
