MPSC Exam Result : केंदूरच्या अश्‍विनी साकोरे सहायक कामगार आयुक्तपदी

शिक्रापूर - केंदूर (ता. शिरूर) येथील अश्विनी तुषार साकोरे यांची सहायक कामगार आयुक्तपदी नुकतीच निवड झाली. महाराष्ट्र लोकसेवा आयोगाकडून घेण्यात आलेल्या परीक्षेत झालेल्या या निवडीने केंदूर येथील साकोरे परिवाराच्या स्नुषा असलेल्या अश्विनी यांचे सरपंच अलका पऱ्हाड, उपसरपंच सुषमा पऱ्हाड यांनी विशेष अभिनंदन केले..अश्विनी या मूळच्या सातारा जिल्ह्यातील अंभेरी गावातील कमल आणि जयप्रकाश निकम यांची कन्या. गावातच दहावी-बारावी पूर्ण करून त्यांनी पुढे बीएससी, एमबीए व कामगार कायद्यामधील पदविका पूर्ण करून एका बहुराष्ट्रीय कंपनीत या विषयाला धरुन नोकरी सुरू केली.मुळ केंदूर येथील असले तरी सध्या भोसरी (पुणे) येथील पती तुषार साकोरे हेही एका बहुराष्ट्रीय कंपनी, आस्थापनेत सेवेत असताना, संपूर्ण कुटुंबाची जबाबदारी सांभाळून अश्विनी यांनी राज्य लोकसेवा आयोगाच्या सहायक कामगार आयुक्त पदासाठी परीक्षेची तयारी करीत होत्या..त्यांच्या या विषयातील पहिल्याच प्रयत्नात त्यांना यश आले आणि त्यांची राज्य सरकारच्या वर्ग एक दर्जाच्या सहायक कामगार आयुक्तपदी नुकतीच निवड झाली. त्यांच्या या यशाबद्दल संपूर्ण केंदूर गावातून त्यांचे कौतुक होत आहे..सासू-सासऱ्यांना अभिमानसासरे पाटीलबुवा साकोरे हे औंध येथील आयटीआयमधील निवृत्त निदेशक. त्यांनी अनेक विद्यार्थी घडविले. पत्नी मंदाकिनी आणि पाटीलबुवा हे सध्या निवृत्त असले तरी सूनबाई अश्विनी यांचा घरातील वावर, कुटुंबाबद्दलची त्यांची आस्था, संपूर्ण कुटुंबाला सांभाळण्याची वृत्ती आणि स्पर्धा परीक्षेत यशस्वी होण्याची जिद्द हे पाहून सासू-सासरे या दोघांनाही सूनबाईचा प्रचंड अभिमान असल्याचे दोघेही आवर्जून सांगतात..केंदूरभूमीचा राजकीय आणि प्रशासकीय सेवेसाठीचा नावलौकिक आहे. आयपीएस परीक्षेत हॅटट्रिक केलेली डॉ. मानसी साकोरे, आयपीएस दीपक साकोरे आणि पुणे म्हाडाचे सीईओ राहुल साकोरे हे माझ्यासाठी आदर्श असून, मला केंदूरचा आणि माझे सासरे पाटीलबुवा साकोरे आणि संपूर्ण परिवाराचा अभिमान वाटतो.- अश्विनी साकोरे.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.