सिंहगड रस्ता: वडगाव येथील प्रयेजा सिटीसमोर व्हर्सेटाइल विद्यालयाकडे जाणाऱ्या रस्त्यावर मोठ्या प्रमाणात मातीचे ढीग टाकण्यात आले आहेत. सतत पडत असलेल्या पावसामुळे रस्ता चिखलमय झाला आहे. शाळेतील विद्यार्थ्यांना या चिखलमय रस्त्यावरून ये-जा करताना कसरत करावी लागत आहे. एखादा अनर्थ घडण्याअगोदर महापालिका प्रशासनाने तातडीने योग्य त्या उपायांची अंमलबजावणी करावी, अशी मागणी पालकांनी केली आहे.