मोहम्मद पैगंबर यांच्यावरील आक्षेपार्ह वक्तव्य; इंदापूरात मुस्लिम समाजाकडून निषेध मोर्चा

इंदापूर : प्रेषित मोहम्मद पैगंबर यांच्या बाबत आक्षेपार्ह वक्तव्य करणाऱ्या नुपुर शर्मा व नविन जिंदाल यांच्यावर कडक कायदेशीर कारवाई करावी,असे प्रकार पुन्हा होवू नयेत म्हणून प्रतिबंधात्मक उपाययोजना करावी या मागणीसाठी इंदापूरसकल मुस्लिम समाजाच्या वतीने दर्गा मस्जिद चौक ते इंदापूर प्रशासकीय भवन असा मोर्चा काढण्यात आला. यासंदर्भात शनिवार दि.११ जून रोजी इंदापूर बंद ची हाक देण्यात आली. यावेळी नायब तहसीलदार अनिल ठोंबरे,पोलीस निरीक्षक तय्यब मुजावर यांना निवेदन देण्यात आले.

प्रेषित मोहम्मद पैगंबर यांच्याविषयी नुपुर शर्मा व नविन जिंदाल यांनी बदनामीकारक व खोट्या आशयाचे विधान करून मुस्लिम समाजाच्या धार्मिक भावना भडकावून सामाजिक शांतता, सुव्यवस्था बिघडवण्याचा प्रयत्न केला. त्यामुळे दोन समाजात निष्कारण गैरसमज व तेढ निर्माण झाली असल्याने त्यांच्यावर गुन्हे दाखल करून त्यांना अटक करावी अशी मागणी निवेदनाव्दारे करण्यात आली आहे. या मोर्चात मौलाना अब्दुल करीम मुशाहीदी, मौलाना समशुल हुडा, शकील सय्यद, गालिब बागवान, समद सय्यद, फिरोज पठाण,जावेद शिकलकार, मुशिरखान पठाण, इम्रान शेख, वासिम शेख, ऍड असिफ बागवान, नवाज बागवान, अजीज बागवान आदी मान्यवर सहभागी झाले होते.