सलमान खान
सलमान खान सकाळ

सलमान खान धमकी प्रकरण : सौरभ महाकाळची मुंबई पोलिसांकडून चौकशी

सौरभ महाकाळ याला पुणे ग्रामीण पोलिसांनी एका दुसऱ्या गुन्ह्यामध्ये काल अटक केली होती.

पुणे : बॉलीवूड अभिनेता सलमान खान याला जीवे मारण्याची धमकी दिल्याप्रकरणी काल अटक करण्यात आलेल्या सौरभ कांबळे उर्फ ​महाकाळची चौकशी करण्यासाठी मुंबई पोलिसांचे एक पथक पुण्यात पोहोचले आहे. धमकीच्या पत्राची चौकशी करण्यासाठी आम्ही पुण्यात आलो आहोत, अशी माहिती मुंबई गुन्हे शाखेचे पोलीस उपायुक्त संग्रमासिंह निशाणदार यांनी सांगितले. (Salman Khan Threat Letter )

सलमान खान
सलमान खानसाठी IPS नांगरे पाटील मैदानात, थेट गृहमंत्र्यांच्या भेटीला

ते म्हणाले की, बांद्रा पोलीस ठाण्यात सलमान खानला आलेल्या धमकीबद्दलच्या पत्राबाबत गुन्हा दाखल असून, त्याबाबत सौरव महाकाळची चौकशीसाठी आम्ही आलो आहोत. सौरभ महाकाळ याला पुणे ग्रामीण पोलिसांनी एका दुसऱ्या गुन्ह्यामध्ये काल अटक केली होती. त्यानंतर न्यायालयाने त्याला २० जूनपर्यंत पोलीस कोठडी दिली आहे.

महाकाळ हा शूटर संतोष जाधवचा साथीदार असून, गायक सिद्धू मुसेवाला खून प्रकरणातील संशयित आहे. पुणे जिल्ह्यातील मंचर पोलीस ठाण्यात दाखल झालेल्या मोक्का कायद्यांतर्गत २०२१ मध्ये झालेल्या खून प्रकरणात महाकाळला काल अटक करण्यात आली होती. त्यानंतर विशेष न्यायालयाने त्याला 20 जूनपर्यंत पोलीस कोठडी सुनावली आहे. ओंकार बाणखुले यांच्या हत्येप्रकरणी सौरव महाकाळला गेल्या वर्षी अटक करण्यात आली होती. बॉलिवूड अभिनेता सलमान खान आणि त्याचे वडील सलीम खान यांना धमकीचे पत्र पाठवल्याबद्दल मुंबई पोलिसांनी रविवारी एका अज्ञात व्यक्तीविरुद्ध एफआयआर नोंदवला.

सलमान खान
सिद्धू मुसेवाला हत्याकांड : पुण्यातील सौरव महाकाळला अटक

पोलिसांनी दिलेल्या माहितीनुसार, सलमान खान आणि त्याचे वडील सलीम खान यांना धमकी देणारे एक स्वाक्षरी नसलेले पत्र रविवारी मुंबईतील वांद्रे बॅंडस्टँड जवळ आढळले. पोलीस सूत्रांनी नाव न सांगण्याच्या अटीवर सांगितले की, हिंदीतील पत्रात असे म्हटले आहे की, सलीम खान आणि त्यांचा मुलगा या दोघांचेही लवकरच दिवंगत गायक सिद्धू मूसवाला होईल असे नमुद करण्यात आले होते. दरम्यान या घटनेनंतर वांद्रे पोलिसांनी अज्ञाताविरुद्ध एफआयआर नोंदवला असून पुढील तपास सुरू आहे. या प्रकरणी मुंबई पोलिसांनी आतापर्यंत 200 हून अधिक सीसीटीव्ही फुटेज ताब्यात घेतले आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com