मुंबईचा व्यापारी पुण्यात आला, रिक्षात बसला अन्.....

पुणे : नवी मुंबईहून पुण्यात आलेल्या व्यापाऱ्याला रिक्षातून कोरेगाव पार्क येथे नेले. तेथे रिक्षाचालक व त्याच्या साथीदारांनी जबरदस्तीने मद्य पाजून त्यांच्याकडील चार लाखांची रोकड लंपास केली. मद्याचे अतिसेवन व थंडीमुळे त्यांचा मृत्यू झाला. याप्रकरणी पोलिसांनी रिक्षाचालकास अटक केली. 

मुलगाच ठरला आईसाठी वैरी; अखेर त्या माऊलीने संपविले...

राजेश लीलाधर म्हात्रे (वय 46, रा. बेलापूर, नवी मुंबई) असे व्यापाऱ्याचे नाव आहे. रिक्षाचालक शादाफ जहॉंगीर बांगी (वय 28) याला अटक झाली. वरिष्ठ पोलिस निरीक्षक प्रमोद पत्की यांनी दिलेल्या माहितीनुसार, म्हात्रे हे 26 नोव्हेंबरला रात्री स्वारगेटला आले. एसटी स्थानकातून बाहेर पडल्यानंतर त्यांनी रिक्षाचालक बांगी यास बुधवार पेठेत जायचे असल्याचे सांगितले. तेव्हा म्हात्रे यांच्या खिशामध्ये नोटांचे बंडल होते. तसेच, म्हात्रे यांनी मद्यपान केले होते. त्यामुळे बांगी याने त्यांना कोरेगाव पार्क येथील बर्निंग घाट परिसरातील स्मशानभूमीत नेले. तिथे दोन मित्रांना बोलाविले. त्यांनी म्हात्रे यांना जबरदस्तीने मद्य पाजले. नंतर खिशातील चार लाखांची रक्‍कम काढून घेतली व त्यांना तेथील झाडीमध्ये टाकून ते पळून गेले. दरम्यान, मद्याचे अतिसेवन व थंडीमुळे म्हात्रे यांचा मृत्यू झाला.
 

पुणे :..अन् रिक्षाचालकाने अनुभवले वर्दीतील 'देवदूत'

28 नोव्हेंबरला बर्निंग घाट परिसरामध्ये अज्ञात व्यक्ती बेशुद्धावस्थेत पडल्याची खबर पोलिसांना मिळाली. त्यास उपचारासाठी रुग्णालयात दाखल केले. मात्र, तत्पूर्वीच त्यांचा मृत्यू झाला होता. बांगी याने म्हात्रे यांच्याकडील पैसे लुटल्याचे पोलिस तपासात उघड झाले. 
 

खुशखबर! सरकारी कर्मचाऱ्यांसाठी सरकारने दिली...