पुणे - बाणेर येथील भूखंडावर पडलेला राडारोडा काढण्याकडे महापालिका दुर्लक्ष करत असल्याने उपमुख्यमंत्री अजित पवार यांनी आज (ता. २५) जिल्हा नियोजन समितीच्या बैठकीत संताप व्यक्त केला..त्यानंतर महापालिकेची मोठी यंत्रणा कामाला लागली असून, पाच ते सहा मोठे पोकलेन, १६-१७ डंपरच्या साह्याने राडारोडा काढण्याचे काम सुरु आहे. सुमारे ५०० डंपर राडारोडा या ठिकाणी पडलेला आहे.बाणेर येथे टाटा ग्रुपतर्फे सामाजिक उत्तरदायित्व निधीतून कुशल मनुष्यबळ तयार करण्यासाठीचे प्रशिक्षण केंद्र सुरु केले जाणार आहे. त्यासाठी राज्य सरकारच्या आदेशानुसार महापालिकेची जागा देण्यात आली आहे. पण या जागेवर परिसरात सुरु असलेल्या बांधकामाच्या ठिकाणचा राडारोडा आणून टाकलेला आहे. हा राडारोडा महापालिकेने काढून द्यावा अशी मागणी केली जात होती..पण त्याकडे दुर्लक्ष केले जात असल्याने टाटा ग्रुपला काम करता येत नव्हते. हा विषय उपमुख्यमंत्री पवार यांच्या कानावर गेल्यानंतर त्यांनी आयुक्त डॉ. राजेंद्र भोसले यांच्याकडे कडक शब्दात नाराजी व्यक्त करत हा राडारोडा तीन दिवसात उचला, मी तीन दिवसानंतर सकाळी सात वाजता भूमिपूजन करणार असल्याचे बैठकीत सांगितले..त्यानंतर महापालिकेच्या अधिकाऱ्यांमध्ये एकच खळबळ उडाली. बैठक संपताच जेसीबी, डंपरची जुळवाजुळव करण्यात आली. बांधकाम विभागाच्या अधिकाऱ्यांना डंपर, जेसीबी उपलब्ध करून देण्याची सूचना केली.याठिकाणी सुमारे ५०० डंपर राडारोडा असून, तो पुढील तीन दिवसात महापालिकेला स्वखर्चाने उचलावा लागणार आहे. दरम्यान, बांधकाम व्यावसायिक त्याठिकाणी राडारोडा टाकत असताना त्याकडे महापालिकेने दुर्लक्ष केले, पण आता हीच चूक त्यांच्या अंगलट आली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
