चेंबर दुरुस्तीसाठी आलेल्या पालिका कर्मचाऱ्यांनी तोडली महावितरणची केबल | Sakal
sakal

बोलून बातमी शोधा

Municipal employees accidently broke MSEDCL cable drainage repair work Power outage in Kirkatwadi pune

चेंबर दुरुस्तीसाठी आलेल्या पालिका कर्मचाऱ्यांनी तोडली महावितरणची केबल

किरकटवाडी : किरकटवाडी-नांदोशी रस्त्यावरील करंजावणे वस्तीजवळ चेंबर दुरुस्तीसाठी आलेल्या पालिका कर्मचाऱ्यांकडून किरकटवाडी गावाला वीजपुरवठा करणाऱ्या मुख्य वीजवाहक केबलला धक्का लागल्याने दुपारी तीन वाजल्यापासून संपूर्ण किरकटवाडी गावचा वीजपुरवठा खंडित झाला आहे. महावितरण कर्मचाऱ्यांकडून भर पावसात सदर ठिकाणी दुरुस्तीचे काम सुरू असून वीजपुरवठा सुरळीत होण्यासाठी पहाटे तीन ते चार वाजण्याची शक्यता वर्तविण्यात येत आहे.

किरकटवाडी गावठाणातील करंजावणे वस्तीजवळ मुख्य रस्त्यावर असलेल्या चेंबरचे झाकण मागील दोन महिन्यांत चार वेळा फुटले. यावेळी सदर ठिकाणी चांगली दुरुस्ती करण्यात येईल असे पालिकेच्या पथ विभागाचे कनिष्ठ अभियंता रमेश पाटोळे यांनी सांगितले होते.त्यानुसार पालिकेचे कर्मचारी चेंबरच्या कडेचा कॉंक्रिट रस्त्याचा भाग तोडत होते. त्याचवेळी केबलला धक्का लागल्याने मोठा आवाज झाला व संपूर्ण गावचा वीजपुरवठा खंडित झाला. या घटनेत चेंबर दुरुस्तीसाठी आलेला एक कर्मचारी थोडक्यात बचावला आहे.

याबाबत माहिती मिळताच महावितरणचे अतिरिक्त कार्यकारी अभियंता कल्याण गिरी व सहाय्यक अभियंता सचिन आंबवले यांच्या मार्गदर्शनाखाली सदर ठिकाणी केबल दुरुस्तीचे काम सुरू करण्यात आले आहे. कॉंक्रिट रस्ता तोडून केबल बाहेर काढण्यास व त्यानंतर दुरुस्तीसाठी वेळ लागणार असल्याने वीजपुरवठा सुरळीत होण्यासाठी पहाटेचे तीन ते चार वाजतील अशी शक्यता काम करणाऱ्या कर्मचाऱ्यांकडून वर्तविण्यात येत आहे.

Web Title: Municipal Employees Accidently Broke Msedcl Cable Drainage Repair Work Power Outage In Kirkatwadi Pune

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..