पुणे - महापालिकेच्या पाणीपुरवठा विभागात कार्यरत एका कर्मचाऱ्याचा अनैतिक संबंधाच्या संशयावरून शस्त्राने वार करून खून करण्यात आला. ही घटना कात्रजमधील आंबेगाव पठार परिसरात रविवारी रात्री घडली. .दीपक अशोक क्षीरसागर (वय-३८, रा. समर्थ हाईट्स, इंद्रायणीनगर, आंबेगाव) असे खून झालेल्या कर्मचाऱ्याचे नाव आहे. याप्रकरणी सिद्धार्थ संजय हातुरे (वय-२६ )आणि ऋषिकेश मनोहर गायकवाड (वय-२९, रा. जयशंकर सोसायटी, इंद्रायणी नगर, आंबेगाव) या दोघा संशयितांविरुद्ध गुन्हा दाखल करण्यात आला आहे. या दोघांना आंबेगाव पोलिसांनी ताब्यात घेतले आहे..पोलिसांनी दिलेल्या माहितीनुसार, दीपक क्षीरसागर पुणे महापालिकेत पाणीपुरवठा विभागात नोकरीस होते. रविवारी रात्री जेवण झाल्यानंतर ते सव्वानऊच्या सुमारास इंद्रायणीनगर कमानीजवळ त्यांच्या घरासमोर फेरफटका मारत होते. या वेळी हल्लेखोर त्या ठिकाणी आले. अनैतिक संबंधाचा संशयावरून आरोपींनी दीपक यांच्या डोक्यात तीक्ष्ण शस्त्राने वार केले. या हल्ल्यात गंभीर जखमी झाल्याने दीपक यांचा मृत्यू झाला..या घटनेची माहिती मिळताच वरिष्ठ पोलिस निरीक्षक शरद झिने यांनी कर्मचाऱ्यांसह घटनास्थळी धाव घेतली. प्राथमिक तपासादरम्यान, हा खून अनैतिक संबंधाच्या संशयातून झाला असल्याचे समोर आले आहे. घटनेनंतर आरोपी फरार झाले होते. पोलिसांनी त्या दोघांना ताब्यात घेतल्याची माहिती वरिष्ठ निरीक्षक झिने यांनी दिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
