माझ्या खुनाचा प्लॅन करतो काय? असे म्हणत एकावर कोयत्याने वार; आरोपी फरार | Sakal
sakal

बोलून बातमी शोधा

attack

माझा खून करण्याचा प्लॅन करतो काय?असे म्हणत डोणजे येथील पायगुडेवाडी रस्त्यावर एका तरुणावर कोयते व लाकडी दांड्यांनी जीवघेणा हल्ला करण्यात आल्याची घटना घडली आहे.

माझ्या खुनाचा प्लॅन करतो काय? असे म्हणत एकावर कोयत्याने वार; आरोपी फरार

सिंहगड - माझा खून करण्याचा प्लॅन करतो काय?असे म्हणत डोणजे येथील पायगुडेवाडी रस्त्यावर एका तरुणावर कोयते व लाकडी दांड्यांनी जीवघेणा हल्ला करण्यात आल्याची घटना घडली आहे. संजय महादेव बंडगर (वय 21, रा. नानाजी नगर, डोणजे) असे जखमी तरुणाचे नाव असून त्याच्यावर खाजगी रुग्णालयात उपचार सुरू आहेत. याप्रकरणी हवेली पोलीस ठाण्यात सहा तरुणांच्या विरोधात गुन्हा दाखल करण्यात आला आहे.

ऋषी तांबे (रा. गोळेवाडी,डोणजे), अविनाश सांबरे (रा. सांबरेवाडी), महेश उर्फ बंटी काळे (रा. गोऱ्हे बुद्रुक) व अनोळखी तीन अशी गुन्हा दाखल करण्यात आलेल्यांची नावे असून आरोपी फरार झाले आहेत. आरोपींवर अगोदरही गंभीर गुन्ह्यांची नोंद असून त्यांच्या शोधासाठी पथक रवाना करण्यात आले असल्याची माहिती हवेली पोलीस ठाण्याचे पोलीस निरीक्षक सदाशिव शेलार यांनी दिली आहे.

ऋषी तांबे व संजय बंडगर यांची ओळख असून गाडीतील पेट्रोल संपले आहे तुझी गाडी घेऊन पेट्रोल आणायला जाऊ असे सांगून तांबे याने बंडगर यास घरातून नेले. पुढे पायगुडेवाडी रस्त्यावर अगोदरच अविनाश सांबरे, बंटी काळे व इतर तिघेजण रिक्षा घेऊन थांबले होते. त्यांच्याजवळ तांबे याने संजय बंडगर यास गाडी थांबविण्यास सांगितली व तू माझ्या खूनाचा प्लॅन करत होता काय? असे म्हणत शिवीगाळ सुरू केली. त्यानंतर रिक्षात ठेवलेले कोयते व लाकडी दांडक्यांनी बंडगर याला जीवे मारण्याचा प्रयत्न केला. आजूबाजूला असलेल्या जंगलात पळाल्याने संजय बंडगर या हल्ल्यातून बचावला. याप्रकरणी ऋषी तांबेसह साथीदारांवर गुन्हा दाखल करण्यात आला असून पोलीस निरीक्षक सदाशिव शेलार यांच्या मार्गदर्शनाखाली पुढील तपास सुरू आहे.

Web Title: Murder Plan Attack Crime Sinhgad Accused Absconding

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..