पुण्यनगरीचे संस्थापक मुरलीधर (बाबा) शिंगोटे यांचे निधन

जुन्नर (पुणे) : दैनिक पुण्य नगरी, आपला वार्ताहर, मुंबई चौफेर, कर्नाटक मल्ला या वर्तमानपत्रांचे संस्थापक शिवनेरी भूषण मुरलीधर (बाबा) अनंता शिंगोटे (वय ८४) यांचे आज (ता. ६) दुपारी १ वाजता वृद्धापकाळाने जुन्नर तालुक्यातील उंब्रज येथे निधन झाले.

सर्व सामान्य शेतकरी ते वृत्तपत्र क्षेत्रातील एक महान व्यक्तीमत्व म्हणून मुरलीधर शिंगोटे हे परिचित होते. जुन्नर तालुक्यातील एका छोट्याशा गावातून ते मुंबईला आले. सुरुवातीला वृत्तपत्र वितरणाची कामे केली. नंतर स्वत:ची वृत्तपत्र एजन्सी सुरु केली. अल्पावधीत त्यांनी आपले नाव मराठी, गुजराती, हिंदी, इंग्रजी या वृत्तपत्रांच्या वितरणात मोठे केले.  त्यांनी सन 198 ते 90 च्या दशकात राज्यातील वितरण क्षेत्रात आपला दबदबा निर्माण केला होता.

पुण्याच्या इतर बातम्या वाचण्यासाठी येथे क्लिक करा

वृत्तपत्र क्षेत्रातील अनुभवाची शिदोरी मिळालेल्या शिंगोटें बाबांनी आपलेही दैनिक असावे, या हेतूने सन 1999-2000 च्या दरम्यान पुण्यनगरी दैनिक सुरु केले. चौफेर, आपला वार्ताहर, हिंदमाता, कर्नाटक मल्ला ही दैनिके कोणतेही भांडवल पाठिशी नसताना फक्त वाचकांच्या जोरावर त्यांनी सुरु केली. साधी राहणी आणि उच्च विचारसरणी हा नियम त्यांनी अखेरपर्यंत पाळला.