चाकणला आजपासून संगीतमय भैरवनाथ कथा

चाकण, ता. १६ : येथील श्री भैरवनाथ महाराजांच्या यात्रेनिमित्त शुक्रवार (ता. १७) ते मंगळवार (ता. २१) या काळात सायंकाळी साडेसहा वाजता संगीतमय भैरवनाथ कथा कार्यक्रम होणार आहे. या कथेची सांगता बुधवारी (ता. २२) सकाळी नऊ ते अकरा या वेळेत काल्याच्या कीर्तनाने होणार आहे. अकरानंतर काल्याच्या महाप्रसाद होणार आहे. संपूर्ण कथा आणि कीर्तन बाजीराव महाराज बांगर यांच्या वाणीतून सादर होणार आहे. गुरुवारी (ता. २३) पहाटे पाच वाजता भैरवनाथ महाराजांचा अभिषेक आणि पूजा होईल. त्यानंतर सकाळी नऊ वाजता मांडव डहाळे मिरवणूक महात्मा फुले मार्केट यार्ड येथून सुरु होईल. सायंकाळी सहा वाजता भैरवनाथ महाराजांची पालखी मिरवणूक भैरवनाथ मंदिर सुभाष चौक येथून सुरू होईल. कार्यक्रमासाठी ग्रामस्थांनी उपस्थित राहण्याचे आवाहन भैरवनाथ देवस्थानच्या वतीने केले असल्याची माहिती भैरवनाथ देवस्थानचे अध्यक्ष किसन गोरे, उपाध्यक्ष अर्जुन धाडगे, सचिव व्यंकटेश चोरटे यांनी निवेदनाद्वारे जाहीर केली आहे.