Dhayari Traffic Jam: वाहतूक कोंडी रोखणारे पोल पुन्हा जमीनदोस्तच मानाजीनगरमध्ये पाचव्यांदा तोडफोड; प्रशासकीय खर्चाचा अपव्यय

धायरी : नऱ्हे गावातील मानाजीनगर परिसरातील वाहतूक कोंडी रोखण्यासाठी नवले हॉस्पिटलकडे जाणाऱ्या रस्त्यावर बसवलेले सिमेंट आणि लोखंडी खांब अज्ञातांकडून पुन्हा एकदा तोडण्यात आले आहेत..गेल्या काही महिन्यांत तब्बल पाचव्यांदा हा प्रकार घडला असून, प्रशासकीय खर्चाचा अपव्यय होत असल्याबद्दल स्थानिकांनी संताप व्यक्त केला आहे. नवले हॉस्पिटलकडे जाणाऱ्या मुख्य रस्त्यावरून मानाजीनगरमध्ये थेट प्रवेश करणाऱ्या वाहनांमुळे सकाळी ८ ते ११ आणि सायंकाळी ५ ते ९ या वेळेत मोठी वाहतूक कोंडी होते..या कोंडीमुळे रुग्णवाहिकांना वारंवार अडथळा निर्माण होत असल्याने पथ विभागाने येथे सिमेंटचे पोल बसविले होते. मात्र, चारचाकी आणि रिक्षाचालकांकडून हे पोल हटवून या मार्गाने बेकायदा वाहतूक सुरूच ठेवली जात असल्याचे निदर्शनास आले आहे..Raigad News : पालीत डंपर अपघाताने खळबळ; फाळक्याची कडी तुटून बाईकस्वार गंभीर जखमी; अवजड वाहतुकीचा धोका पुन्हा समोर!.स्थानिक नागरिकांच्या म्हणण्यानुसार, वारंवार पोल बसविण्यासाठी महापालिकेचा खर्च वाढत असून, करदात्यांच्या पैशांचा अपव्यय होत आहे. त्यामुळे वाहतूक विभागाने या प्रकाराची दखल घेत पाहणी करून तोडफोड करणाऱ्यांवर कठोर कारवाई करावी, अशी मागणी रहिवाशांनी केली आहे. तसेच या प्रकारामुळे परिसरातील शाळकरी मुले, ज्येष्ठ नागरिक व रुग्णांना रस्ता ओलांडताना धोका निर्माण होत असल्याचेही त्यांनी नमूद केले..उभारलेल्या खांबांची जाणीवपूर्वक हानी होत असल्याची बाब निदर्शनास आली आहे. या प्रकाराची गंभीर दखल घेत सिंहगड वाहतूक विभागाशी संपर्क साधला असून संबंधितांवर नियमांनुसार कारवाई व्हावी, यासाठी पुढील प्रक्रिया सुरू आहे.- नेहा कोलते, कनिष्ठ अभियंता, पथ विभाग.Pune Traffic: केशवनगरमध्ये वाहतूक कोंडीची समस्या गंभीर; स्थानिक नागरिकांच्या तणावात वाढ.पोल बसविल्यानंतर काही दिवस येथे होणाऱ्या कोंडीतून दिलासा मिळतो; मात्र काहीजण जाणूनबुजून तोडफोड करून रस्ता मोकळा करतात. त्यामुळे प्रशासनाने येथे कायमस्वरूपी दुभाजक उभारून सीसीटीव्ही बसवावेत. - मनोज कुटे, स्थानिक नागरिक .पोल बसविल्यानंतर काही दिवस येथे होणाऱ्या कोंडीतून दिलासा मिळतो; मात्र काहीजण जाणूनबुजून तोडफोड करून रस्ता मोकळा करतात. त्यामुळे प्रशासनाने येथे कायमस्वरूपी दुभाजक उभारून सीसीटीव्ही बसवावेत. - मनोज कुटे, स्थानिक नागरिक .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories