कोळवण : चाले (ता. मुळशी) येथील पुलाचे काम पूर्ण झाले नसल्याने येथील बाह्यवळण रस्ता पाण्याखाली गेला आहे. त्यामुळे कोळवण खोऱ्यातील १६ गावांचा संपर्क तुटला आहे. प्रशासनाने पौड व पुण्याकडे वाहतुकीसाठी पर्यायी मार्ग म्हणून कोळवणकडून आल्यावर चाले गारटेक कंपनीमार्गे मुगावडे, घोटावडे, हनुमान चौक, भरे, दारवली मार्गे पौड याच मार्गाने हनुमान चौक, भरे, घोटावडे फाटा मार्गे पुणे अशी वाहतूक करण्यासाठी व्यवस्था केली आहे.