Nasrapur Crime Case : नसरापूर खटल्याची सुनावणी महत्त्वाच्या टप्प्यावर; न्यायालयात एकाच दिवशी दहा साक्षीदारांची साक्ष

पुणे - संपूर्ण महाराष्ट्र हादरवून टाकणाऱ्या नसरापूर येथील चिमुकलीवरील अत्याचार आणि खून खटल्याची सुनावणी आता महत्त्वाच्या टप्प्यात आली आहे. मंगळवारी (ता. ९) न्यायालयात तांत्रिक व डिजिटल पुराव्यांशी संबंधित १० महत्त्वाच्या साक्षीदारांची साक्ष नोंदवण्यात आली. पुढील पाच-सहा दिवसांत सरकार पक्षाच्या उर्वरित सर्व साक्षीदारांची साक्ष पूर्ण होईल, अशी माहिती विशेष सरकारी वकील अजय मिसर यांनी दिली.