NCP Ajit Pawar Party : ‘राष्ट्रवादी’चे आता तीन जिल्हाध्यक्ष; संभाजी होळकर, विठ्ठल शिंदे, राजेंद्र कोरेकर यांच्यावर जबाबदारी

पुणे - राष्ट्रवादी काँग्रेसने पुणे शहरात दोन अध्यक्षांची नियुक्ती केल्यानंतर जिल्ह्यातही अशीच पद्धत अवलंबली आहे. आगामी जिल्हा परिषद आणि पंचायत समितीच्या निवडणुकांच्या पार्श्वभूमीवर तीन जिल्हाध्यक्षांची नियुक्ती केली आहे. पक्षाचे राष्ट्रीय अध्यक्ष व उपमुख्यमंत्री अजित पवार यांनी संभाजी होळकर, विठ्ठल शिंदे आणि राजेंद्र कोरेकर यांची नियुक्ती केली असल्याचे बुधवारी पत्रकार परिषदेत जाहीर केले.