ब्राह्मण संघटनांच्या भेटीनंतर शरद पवार दगडूशेठ गणपतीच्या दर्शनाला

शरद पवारांनी स्वतः दर्शनाची इच्छा बोलून दाखवली असल्याची माहिती मिळत आहे.
Sharad Pawar Dagdusheth Mandir
Sharad Pawar Dagdusheth MandirSakal

राष्ट्रवादी काँग्रेसचे अध्यक्ष शरद पवार गेल्या काही दिवसांपासून चांगलेच चर्चेत आहेत. रोज कोणत्या न कोणत्या विषयामुळे शरद पवारांचं नाव समोर येतच आहे. मग राज ठाकरेंची सभा असो, केतकी चितळेची पोस्ट असो किंवा ब्राह्मण संघटनांची भेट असो. आता पुन्हा एकदा शरद पवार चर्चेत आले आहेत. याच कारण म्हणजे ते आज दगडूशेठ हलवाई गणपतीचं दर्शन घेणार आहेत. (Sharad Pawar to visit Dagdusheth Halwai Temple)

ब्राह्मण संघटनेच्या भेटीनंतर आता शरद पवार आज पुण्यातल्या दगडूशेठ हलवाई गणपतीचं दर्शन घेणार आहेत. शरद पवार (NCP Chief Sharad Pawar) यांनी स्वतः ही इच्छा बोलून दाखवली आहे. काही दिवसांपूर्वी राज ठाकरे शरद पवारांना जातीयवादी संबोधलं होतं, तसंच ते नास्तिक असल्याची टीकाही त्यांनी केली होती. त्यानंतर काही दिवसांतच ब्राह्मण संघटनांची भेटही शरद पवार यांनी घेतली होती. आणि आता पुण्यात गणपतीच्या दर्शनाला शरद पवार जाणार आहेत.

शरद पवार सहसा एखादं मंदिर किंवा प्रार्थनास्थळी गेलेले दिसत नाहीत. मात्र आता त्यांनी दर्शनाची इच्छा बोलून दाखवल्यामुळे अनेकांच्या भुवया उंचावल्या आहेत. राज ठाकरेंच्या टीकेनंतर आता शरद पवारांनी काही भूमिका बदलली का, असा प्रश्नही उपस्थित होत आहे. ब्राह्मण संघटनांनी विनंती करत चर्चेचं निमंत्रण दिल्याचं शरद पवारांनी चर्चेनंतर सांगितलं होतं. आणि आता पवारांनी दगडूशेठ हलवाईचं दर्शन घेतल्याची इच्छा व्यक्त केल्याने ही कसली खेळी आहे, असा प्रश्न उपस्थित होत आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com