Loksabha 2019 : बारामतीतून सुप्रिया सुळे मताधिक्याने विजयी होतील : अजित पवार

मिलिंद संगई
मंगळवार, 23 एप्रिल 2019

बारामती तालुक्यातील काटेवाडी येथे मतदान केल्यानंतर पत्रकारांशी बोलताना त्यांनी हा विश्वास व्यक्त केला. भाजपने गेल्या पाच वर्षात केलेल्या कामावर त्यांचा विश्वासच होता, तर अनेक मतदारसंघात त्यांनी उमेदवार का बदलले असा सवाल त्यांनी केला. त्यांच्या कामगिरीवर विश्वास होता तर मग त्यांनी राष्ट्रवादी व काँग्रेसकडून उमेदवार आयात करण्याची वेळ त्यांच्यावर का आली, इतक्या फोडाफोडीचे व खालच्या पातळीवरील राजकारणाची अपेक्षा भाजपकडून निश्चित नव्हती पण त्यांनी तस केल, असे ते म्हणाले. 

बारामती : राज्यात काँग्रेस राष्ट्रवादी व मित्र पक्षांच्या आघाडीला चांगले यश मिळेल, मतदारांचा कौल आघाडीच्या बाजूने असून बारामतीतूनही सुप्रिया सुळे मताधिक्याने विजयी होतील, असा विश्वास माजी उपमुख्यमंत्री अजित पवार यांनी व्यक्त केला.

बारामती तालुक्यातील काटेवाडी येथे मतदान केल्यानंतर पत्रकारांशी बोलताना त्यांनी हा विश्वास व्यक्त केला. भाजपने गेल्या पाच वर्षात केलेल्या कामावर त्यांचा विश्वासच होता, तर अनेक मतदारसंघात त्यांनी उमेदवार का बदलले असा सवाल त्यांनी केला. त्यांच्या कामगिरीवर विश्वास होता तर मग त्यांनी राष्ट्रवादी व काँग्रेसकडून उमेदवार आयात करण्याची वेळ त्यांच्यावर का आली, इतक्या फोडाफोडीचे व खालच्या पातळीवरील राजकारणाची अपेक्षा भाजपकडून निश्चित नव्हती पण त्यांनी तस केल, असे ते म्हणाले. 

मोदींनी या पूर्वीची निवडणूक विकासाच्या मुद्यावर लढविली होती, यंदा राज्यातील कोणत्याच सभेत त्यांनी विकासाचा मुद्दा काढलाच नाही, केवळ त्यांनी गांधी नेहरु व पवार कुटुंबियांवर टीकाटीपण्णी केली. आम्ही मात्र देशाच्या विकासासाठी निवडणूक लढविण्यावर भर दिला आहे. भाजपने जाहिरनाम्यातील एकही गोष्ट पूर्ण केली नाही आणि त्यावर पंतप्रधान किंवा त्यांची टीम काहीच बोलायला तयार नाही, त्या मुळे विरोधक म्हणून आम्ही भूमिका घेतली. भाजपच्या कितीतरी उमेदवारांनी आक्षेपार्ह विधाने केली, मारामारी झाली, काहींच्या डोळ्यात अश्रू आले तर काहींनी स्वताः देव समजून घेतले. 

शेतक-यांचे प्रश्न, दुष्काळ, टंचाई, हमीभाव इतर विकासाच्या मुद्यावर ते काहीच बोलले नाहीत हे दुर्देवी आहे. 
दोन टप्प्यातील मतदानानंतर राज्यातील हवा बदलली आहे, असे दिसते आहे, आम्हाला मताधिक्याचा विश्वास आहे, आमचे ऐक्य चांगले असल्याने यंदा यश चांगले मिळेल, काही ठिकाणी उशीर लागला आहे मात्र तरीही सर्वांनी एकदिलाने काम केलेले असल्याने आम्ही यंदा चांगले यश मिळवू, असा विश्वास अजित पवार यांनी व्यक्त केला.

Web Title: NCP leader Ajit Pawar confident about Supriya Sule win in Baramati