पुणे : स्त्रियांवर होणारे अत्याचाराच्या विरोधात आणि मेट्रोमध्ये तरुणांना रोजगार मिळावा या मागणीसाठी राष्ट्रवादी काँग्रेस शरदचंद्र पवार पक्षाच्या कार्यकर्त्यांनी पुणे महापालिका कार्यालयासमोर असणाऱ्या मेट्रो स्थानकावर आंदोलन केले. आंदोलक गुपचूप मेट्रो स्थानकात पोचले. यानंतर ते थेट मेट्रो रुळावर उतरले. त्यांनी जवळपास एक तास निदर्शने देत मेट्रो वाहतूक रोखून धरली. त्यामुळे प्रवाशांची मोठा खोळंबा झाला. आंदोलनात कार्यकर्त्यांनी पोलिसांना धक्काबुक्की केल्याचा प्रकार घडला.