पुणे : नवनियुक्त शिक्षक, उमदेवारांनी घरात बसून जाळल्या 'पदव्या'

पुणे : राज्यात शिक्षक भरतीच्या प्रतीक्षेत असणाऱ्या हजारो उमेदवारांनी शुक्रवारी घरात राहून पदवी जाळण्याचे आंदोलन केले. उमेदवारांनी घरात राहूनच आपल्या पदवी प्रमाणपत्राच्या छायांकित प्रति जाळत या आंदोलनात सहभाग नोंदविला.
सरकारच्या दुर्लक्ष  आणि अन्यायकारक धोरणाचा विरोध करण्यासाठी डी.टी.एड, बी.एड स्टूडंट असोसिएशनच्या वतीने हे आंदोलन करण्यात आले.

ताज्या बातम्यांसाठी डाऊनलोड करा ई-सकाळचे ऍप   

'राज्यातील रखडलेली शिक्षक भरतीवरील निर्बंध हटवून पुन्हा ही प्रक्रिया सूरू करावी, मुंबई महानगरपालिकेमध्ये सहशिक्षक पदावर नियुक्त होऊनही नियुक्ती नाकारलेल्या उमेदवारांना न्याय द्यावा, नवनियुक्त शिक्षण सेवकांच्या मानधनात वाढ करावी, पवित्र पोर्टल मार्फत होत असलेल्या शिक्षकपद भरतीमध्ये 
मागासवर्गीयांची ५० टक्के पदकपात रद्द करावी, या मागण्यांसाठी असोसिएशनच्या वतीने हे आंदोलन करण्यात आले.
या आंदोलनात डी.एड, बी.एड.धारक आणि शिक्षण सेवक घरी बसून  सहभागी होणार असून पदवीच्या (डिग्री) प्रतिकात्मक प्रती जाळून ते व्हिडिओ, छायाचित्र सोशल मिडियाद्वारे शिक्षण मंत्री, आयुक्त यांच्यापर्यंत पोचविले. 

पुण्याच्या बातम्या वाचण्यासाठी येथे ► क्लिक करा

शिक्षकांवर होणारा अन्याय दूर करून आमच्या मागण्या पूर्ण करून न्याय द्यावा, असे मत असोसिएशनच्या पुणे जिल्हाध्यक्ष मत पूनम पाटील यांनी आवाहन पाटील यांनी मांडले. कोरोनाचा वाढता प्रादुर्भाव लक्षात घेता नवनियुक्त शिक्षक, सहशिक्षक आणि शिक्षक होण्याच्या प्रतिक्षेत असलेले उमेदवार मोठ्या संख्येने आंदोलनात सहभागी झाले होते.

पुण्याच्या बातम्या वाचण्यासाठी येथे ► क्लिक करा